---

Eiginleikar íslensku ullarinnar

Íslensk ull er samsett úr tveimur hárgerðum, þeli og togi:

ÞEL - EINANGRANDI:
Fín, mjúk, óreglulega liðuð hár sem einangra sérstaklega vel.

TOG - VATNSFRÁHRINDANDI:
Löng, slétt hár sem hrinda frá sér vatni.

Þessar tvær einstöku hárgerðir gera íslensku ullina:
Létta - léttari en flestar ullartegundir, heldur á þér hita og eykur vellíðan.
Vatnsfráhrindandi - ullin hrindir frá sér regni.
Temprandi - heldur húðinni þurri með því að hleypa í gegn útgufun frá líkamanum.
Auðvelda í þvotti - lesið þvottaleiðbeiningar frá framleiðanda.

Oft nægir að viðra flíkina vel í stað þess að þvo hana.

Náttúruvænn valkostur

---

Þvottaleiðbeiningar

Álafoss Lopi, Bulky Lopi og Létt-Lopi:

Þvoið flíkina einungis í höndum í ylvolgu vatni (30°C).

Látið flíkina liggja í sápuvatninu í u.þ.b. 10 mínútur,

hafið skolvatnið jafnheitt þvottavatninu.

Nuddið flíkina hvorki né vindið heldur kreistið úr henni vatnið.

Að lokum má setja flíkina í þeytivindu í u.þ.b. 1/2 mínútu.

Leggið flíkina til þerris og sléttið hana í viðeigandi mál.

Plötulopi:

Flíkur úr Plötulopa eru þvegnar eins og flíkur úr

Álafoss Lopa, Bulky Lopa eða Létt-Lopa að því undanskildu

að í fyrsta þvotti má alls ekki láta flík úr Plötulopa liggja í bleyti.

Þvoið flíkina strax með því að kreista hana í þvottavatninu

og skolið flíkina strax að loknum þvotti í ylvolgu vatni.

Athugið:

Oft er nóg að viðra ullarflík vel í stað þess að þvo hana.

 

---