Ég ólst upp á Dvergasteini á stóru heimili, en auk foreldra minna voru á heimilinu föður afi minn Sigurður Filippusson f. 1882, d. 1951 og föður amma mín Lukka Sigurðardóttir f. 1888, d. 1968, en þau fluttu með föður mínum í Dvergastein eftir að hann fékk ábúð á jörðinni árið 1939 og héldu þau ekki eigið heimili eftir það.
Við systkinin erum sjö, Sigurður f. 1942, Geirlaug f. 1943, ég f. 1945, Magnús og Stefán f. 1950, Sunneva f. 1953 og Ragnhildur f. 1956, en auk okkar ólust upp á heimilinu tveir synir Sigurðar föðurbróðir míns þeir Árni Jón f. 1937 og Gissur Þór f. 1938.
Stefán Ólafur Einarsson f. 1899, var einstæður faðir sem flutti í Dvergastein 1942 frá Stakkahlíð í Loðmundarfirði með 6 ára dóttir sinni Steinunni f. 1936, sem eftir það ólst að mestu upp á Dvergasteini. Stefán flutti til dóttir sinnar á Norðfirði 1960 eftir að hún hóf búskap þar. Hann lést 1994.
Ég stundaði nám á Eiðum og á Hvanneyri og útskrifaðist sem búfræðingur 1963. Tók pungaprófið (30 rml. skipstjórnarréttindi) 1988 og tók tvö námskeið í tölvufræðum við Háskólann í Reykjavík í fjarnámi 1999 - 2000. Ég var bóndi á Dvergasteini í ein 20 ár, og bjó aðallega með alifugla, fyrst með hænsni til eggjaframleiðslu en síðustu árin aðallega með aligæsir sem seldar voru á jólaborð landans, en einnig var ræktaður gamli íslenski hænsnastofninn og fleira skemmtilegt gert.
Ég kvæntist 1969 Þóru Ívarsdóttir frá Reykjavík og eigum við 4. börn. Halldóru f. 1966 bóndi á Grænalæk í Vopnafirði, Þórarinn Sigurður f. 1968, Ívar f. 1975 og Freyr f. 1976, þeir eru allir sjómenn búsettir á Seyðisfirði. Ég á fjóra afastráka og eina litla afastelpu. Við Þóra slitum samvistum 1989.
Ég var hreppstjóri Seyðisfjarðarhrepps frá 1983 þar til hreppurinn var sameinaður Seyðisfjarðarkaupstað.
Af því að það er nauðsynlegt að hugsa um eitthvað annað en vinnuna og allskonar skrítna fugla bæði fiðraða og ófiðraða, velti ég stundum fyrir mér hvort það geti verið....