Ég er bara pínulítill snáði og er ekki einu sinni orðinn eins árs. Ég er yngstur í systkinahópnum og get því leyft mér að vera algjör prins því systur mínar passa mig alveg ofsalega vel. Mér finnst ofsalega gaman að eiga svona stóra fjölskyldu og er alltaf brosandi þegar einhver talar við mig. Sérstaklega finnst mér Kolbrún skemmtileg og ég fer alltaf að hlæja þegar hún er að segja mér eitthvað, jafnvel þó hún sé ekki að gera neitt fyndið. Ég á fullt af dóti sem gefur frá sér hávaða og mér finnst alveg svaka gaman að láta koma hljóð úr því. Mér finnst líka gott þegar ég fæ að vera berrassaður í smástund á teppinu mínu, því þá get ég æft mig í að velta um og reynt að skríða á fætur. Samt finnst mér best á öllu þegar mamma eða pabbi halda á mér. Þau eru nefnilega svo skemmtileg og eru alltaf að tala eitthvað við mig og labba með mig og svo þegar ég er svangur gefur mamma mér sopa af mjólk og þá líður mér svo vel. Ef þú vilt vita meira um mig farðu þá í krækjulistann hér til vinstri og ýttu á “Ég sjálfur”.

Grafík frá:

Bergþóra Linda
Copyright© 2002 - 2005.