BJÖRN THORODDSEN. Djassflytjandi ársins 2003 á Íslensku Tónlistarverðlaununum.

Björn nam í þrjú ár við tónskóla Sigursveins D. Kristinssonar en hélt síðan til náms við Guitar Institude of Thechnology í Hollywood, Kaliforníu og brautskráðist þaðan árið 1982. Björn hef sótt ýmis námskeið í gítarleik, bæði á meginlandi Evrópu og í Bandaríkjunum,og að auki kennt á slíkum námskeiðum. Var stofnandi gítarskólans Gítar-Inn 1983 ásamt Birgi Hrafnssyni. Stofnandi og skólastjóri Nýja Gítarskólans 1990 -1993 ásamt Friðriki Karlssyni. Stofnandi Nýja Músíkskólans ásamt Stefáni S. Stefánssyni og Gunnari Hrafnssyni 1994. Kenndi við tónlistarháskóla í Finnlandi 1996 (Popp og Jazz conservatory í Helsingi). Kennari á samnorrænu námskeiði Scanbeat 1996. Kennari í tónlistarskóla FÍH frá 1982. Er í hópi hópi tónlistarmanna sem spilað hafa í grunnskólum á Íslandi í tengslum við verkefnið "Halla kerling" sem unnið er í samvinnu við "Tónlist fyrir alla". Tríó Björns Thoroddsen ásamt Agli Ólafssyni) var valið til að taka þátt í dagskránni " Reykjavík menningarborg Evrópu árið 2000". Tónlistarhópurinn Guitar Islancio, sem Björn tilheyrir var valinn Tónlistarhópur Reykjavíkur 2000-2001. Leikið á Listahátíð með fjölmörgum tónlistarmönnum. Lék og hélt fyrirlestur um tónlist Guitar Islancio á á IAJE "International Association for Jazz Education" í Toronto 2003.

Valinn bæjarlistamaður Garðabæjar 2002 -2003.

Fékk gullplötu ásamt félögum mínum í Guitar Islancio fyrir 5000 diskasölu 2003.

Leikið með ýmsum þekktum tónlistarmönnum m.a Niels - Henning Örsted Pedersen, Nigel Kennedy, Alex Riel, Philip Catherine, Doug Raney, Jakob Fischer, Jorgen Svare, Dider Lockwood, Sylvian Loc, Leni Stern. Richard Gillis, Ben Perowsky of.l. Djassflytjandi ársins 2003 Íslensku Tónlistarverðlaunin.

Svare/Thoroddsen:

Svare/Thoroddsen tríó er samstarf Björns Thoroddsen og Jorgen Svare. Þriðji maðurinn í tríóinu er Jón Rafnsson, kontrabassaleikari. Þeir hafa gefið út einn geisladisk "Jazz Air" í Danmörku og á Íslandi. Það er Olufsen Records sem gefur diskinn út í Danmörku, en Sonet á Íslandi. Á diskinum eru tólf lög, þekktir söngdansar á borð við Over the Rainbow og Lady Be Good, klassísk Ellingtonverk einsog Caravan og Mood Indigo sem Ole Koch Hansen hefur útsett auk laga eftir Björn Thoroddsen og Jörgen Svare.

Tríóið hefur leikið víða m.a Whasington, Boltemore, Minneapolish, Kaupmannahöfn, Reykjavík og Skern. Jörgen Svare er einn fremsti klarinettuleikari Evrópu af svíngskynslóðinni. Hann varð heimsþektur er hann lék með Papa Bues Viking Jazzband allt frá því að Arne Bue Jensen stofnaði hljómsveitina 1956. Hann lék með Papa Bue til 1995 og var ásamt trompetleikaranum Finn Otto Hansen helsti einleikari hljómsveitarinnar er hélt tónleikua um allan heim. Eftir það hefur Jörgen leikið með eigin hljómsveitum, m.a. kvintett er hann stofnaði með trompetleikaranum Ole Stoller og hann hefur hljóðritað fjölda platna með löndum sínum og mönnum á borð við Edmond Hall og Wild Bill Davidsson. Klarinettutónn Svare er einstaklega mjúkur og fallegur og fáum mönnum er sveiflan jafnt í blóð borin. Jörgen hefur þrívegis leikið á Íslandi. Fyrst á minningartónleikunum um Jonna í Hamborg í Íslensku óperunni 1996, þá á RúRek jazzhátíðinni með Guitar Islancio 2001 og loks á minningartónleikum um Finn Eydal á Akureyri 2002.