Fréttir

10.4

BLÚSHÁTÍÐ Í REYKJAVÍK 2006

English page here

Fréttir Miðasala á Blúshátíð í Reykjavík dagana 11-14 apríl hefur tekið mikin kipp og við minnum á að þeir sem ætla að koma á Blúshátíð tryggi sér miða á  www.midi.is . Miðaverð er með því ódýrasta sem gerist og við þökkum það stuðningsaðilum okkar, án þeirra og ykkar væri þetta ekki hægt. Zora Young og Deitra Farr verða á aðalsviði stærstu blúshátíðar í heimi Chicago Blues Festival  8-11.júní 2006 en þá mæta 750.000 mans í Grants park en þær Divur verða einmitt gestir á Blúshátíð í Reykjavík dagana 11-14 apríl.Deitra Farr situr í ráðgjafanefnd Blúshátíðar í Reykjavík . Dagskrá hér neðar á síðunni.

Með kveðju Blúshátíð í Reykjavík

Fjórar amerískar blússtjörnur á Blúshátíð í Reykjavík um páska
Blúsdívurnar frá Chicago, Deitra Farr, Zora Young og Grana' Louis, og Mississippiblúsmaðurinn Fruteland Jackson verða aðalgestir Blúshátíðar í Reykjvík, auk rjómans af íslenskum blústónlistarmönnum, en hátíðin fer fram á Nordica Hotel dagana 11.-13. apríl og í Fríkirkjunni á föstudaginn langa.

Blúshátíð í Reykjavík verður sett þriðjudaginn 11. apríl og á stórtónleikum á Nordica kl. 21 koma fram Andrea Gylfadóttir Páll Rósinkranz, Skaf og ungliðar blússins.

Fruteland Jackson fer með gesti í blúsferð um árósa Mississippi á stórtónleikum á miðvikudagsköld, en þar koma einnig fram á veröndinni: Bjöggi Gísla, Gummi P., Dóri Braga, Siggi Sig., Krummarnir, Fjallaskáldin og óvæntur leynigestur.

Skírdagskvöld taka Dívurnar þrjár völdin með Vinum Dóra, en að kvöldi föstudagsins langa, syngja þær gospel og sálma ásamt Fruteland Jackson og íslenskum tónlistarmönnum í Fríkirkjunni í Reykjavík.

Blúshátíð í Reykjavík hefur aldrei boðið upp á jafn glæsilega og fjölbreytta dagskrá. Síðustu ár hefur verið fullt út úr dyrum á tónleika hátíðarinnar og færri komist að en vildu . Það vita allir hvers megnugt okkar frábæra blúsfólk er, og það er því stórviðburður að fá þessa fjóra erlendu blúslistamenn hingað til lands til að til að koma fram með þeim og mikill fengur fyrir íslenskt blúsáhugafólk.Tryggið ykkur miða

Miðasala er á eftirfarandi stöðum: www.midi.is

, Skífan Laugavegi 26, Skífan Smáralind,Skífan Kringlunni,BT Akureyri, BT Selfossi.

Verð:

2000 kr á hvert kvöld á stórtónleika á  Nordica Hotel . 11.12. og 13. apríl  kl 21

5000 kr aðeins 100 Blúsmiðar eru í boði  sem gilda öll kvöld á tónleikana á Nordica Hotel . Handhöfum blúsmiða er boðið á setningarhátíð. Blúsmiðar gilda ekki á tónleikana í Fríkirkjunni .

2000 kr Gospel og sálmatónleikar  í Fríkirkjunni í Reykjavík 14.3 kl 20. Sæti niðri í kirkjunni og á fremsta bekk uppi

Borðapantanir á Blúshátíð í Reykjavík á VOX
Þeir sem ætla að tryggja sér  góð borð á Blúshátíð í Reykjavík geta haft samband við VOX en veitingasalir þeirra eru opnir gestum Blúshátíðar á hátíðinni. Sæti verða að sjálfsögðu fyrir alla gesti.
Veitingahúsið VOX á Hótel Nordica ætlar að bjóða uppá sérstakan matseðil í tilefni Blúshátiðar 

Hér er vefur Chicago Blues Festival . Hugmyndir hafa komið fram að fjölmenna frá Íslandi á hátíðina  á næsta ári 2007 ef þið hafið áhuga á því að fara í þá ferð sendið  tölvupóst á blues@blues.is merkt Chicago 2007. Endilega skráið ykkur á póstlita félagssins hér til hliðar .

Dagskrá

Þriðjudagur 11.apríl

  Nordica Hotel kl. 17, setning í samstarfi við Rás 2

• Blúslistamaður heiðraður og blúsdjamm.

Stórtónleikar á Nordica Hotel kl 21

• Andrea Gylfadóttir  Páll Rósinkranz

Skaf

Björgvin Gíslason, Sigurður Sigurðsson, Eðvarð Lárusson, Birgir Baldursson,

Einar Rúnarsson og Georg Bjarnason

• The Bumcats

Tommi, Pétur, Snorri , Helgi, Esther

• Blússveit Þollýar

Þollý Rósmundsdóttir, Magnús Axel Hansen, Björgvin Óskarsson,

Lovísa Sigrúnardóttir, Benjamín Ingi Böðvarsson

• Óvæntur leynigestur!

Miðvikudagur 12.apríl

 Stórtónleikar á Nordica Hotel kl 21

• Fruteland Jackson frá Missisippi

• Á veröndinni með Dóra Braga, Bjögga Gísla Gumma P. og Sigga Sig.

• Krummarnir

Hrafnkell , Snorri, Magnús , Helgi og Kristján

• Blúsuð ljóð eftir Kristján fjallaskáld Jónsson

Hlöðver, Tommi, Rúnar

• Óvæntur leynigestur!

Skírdagur 13.apríl

Stórtónleikar á Nordica Hotel kl 21

• 3 Dívur frá Chicago

  Deitra Farr Zora Young & Grana' Louise

& Vinir Dóra

Föstudagurinn langi 14. apríl kl 20

Fríkirkjan í Reykjavík

• Sálmatónleikar 3 Dívur frá Chicago

Zora Young, Deitra Farr, Grana' Louise, ásamt Fruteland Jackson

Eðvarð Lárusson ,Jón Rafnsson og Ásgeir Óskarsson og fl.

www.zorayoung.com www. granalouise.com www.deitrafarr.com

www.fruteland.com

Hljóð: Jón Skuggi

Hljóðkerfi frá Hljodx & Nordica Hotel

Eitt og annað um gesti blúshátíðar

Andrea Gylfadóttir

ein besta og virtasta söngkona þjóðarinnar. Hún sýndi það og sannaði á blúshátíð í fyrra að hún er drottning blússins á Íslandi sönn Diva. Andrea kemur fram með Skaf með nýtt efni.

Páll Rósinkranz

Páll er slíkum hæfileikum gæddur að rödd hans lætur engan ósnortinn. Hann er vaxandi blússöngvari og hefur verið undir verndarvæng Dóra Braga í blúsnum og sungið á tónleikum með Vinum Dóra. Nú ætlar hann hins vegar að syngja við undirleik meðlima Skafs.

Skaf það þarf ekki nema að líta á liðskipan þessarar sveitar til að sjá að hér eru góðir tónlistarmenn innanborðs: Björgvin Gíslason gítar, Sigurður Sigurðsson munnharpa, Eðvarð Lárusson gítar, Birgir Baldursson trommur,Einar Rúnarsson Hammond og Georg Bjarnason á bassa.

Björgvin Gíslason var gerður að heiðursfélaga Blúsfélags Reykjavíkur á Blúshátíð í fyrra Björgvin lagðist í blúsvíking til Missisippi á áttunda áratugnum og lék um tíma með blúsgoðsögninni Clarance “Gatemouth” Brown sem lést á síðasta ári

Drottning Chicago blúsins Deitra Farr

Deitra Farr er ekki ókunnug okkur Íslendingum en við höfum áður fengið glatt tóneyrað og blússálina við ómældra listræna hæfileika hennar og tjáningarríkan söng. Núna heimsækir hún okkur enn og aftur og í þetta sinn fylgja henni blússtjörnurnar, Zora Young og Grana Louise. Það er einstakt undur að hafa sameinað þessar kraftmiklu söngdívur á einu sviði. Tækifæri bæði kvöldin sem ekki er hægt að missa af

Í fyrra á tónleikum á föstudaginn langa söng Deitra Farr nokkra þekkta sálma upp úr sálmabók afa síns sem hún hafði tekið með sér að heiman og hreif áhorfendur með sér bæði í rólega íhugun og banastuð þegar hún söng sálminn “This little light of mine” þannig að allir kirkjugestir voru farnir að klappa með. . Ekki verður um villst hvernig negrasálmar og blús eru tengd órjúfanlegum böndum og úr varð í kirkjunni upplifun sem verður lengi í minnum höfð þar sem tónlistin réði ríkjum en tilefni dagsins og alvara voru þó aldrei langt undan . www.deitrafarr.com

Zora Young er stundum nefnd „Blússprengjan“

þessi orkumiklar söngkona er eftirsótt og hefur komið fram með mörgum þekktum blúslistamönnum eins og Junior Wells, Jimmy Dawkins, Buddy Guy, Willie Dixon, Sunnyland slim, Mississippi Heat, Paul deLay og B.B. King. Strax í barnæsku sinni var Zora Young farin að syngja og söng þá mest gospel í kirkjunni sinni í Mississippi. Og gospelsöngnum hélt hún áfram eftir að hún fluttist ung að árum til Chicago. Söngur hennar þróaðist síðar á fullorðins árum gegnum R/B tónlist yfir í blúsinn. Og í dag hefur Zora Young tilheyrt Chicagoblúsnum í 30 ár og er í dag virt um heim allan sem leiðandi afl og frumkvöðull innan Chicagoblúsins. Zora Young hefur verið vinsæl í Evrópu jafnt sem heima fyrir og hefur til að mynda sungið í Norður-Ameríku, Ítalíu, Þýskalandi, Belgíu, Svíþjóð, Frakklandi, Swiss, Grikklandi, Austurríki og staða eins og Tai Pei og Tyrklandi. Hún hefur gefið út plötur með öðrum og líka þó nokkrar sólóplötur. Veffang: www.zorayoung.com

Beint úr hjarta blúsins í Chicago, kemur Grana' Louise .

Grana´ Louise er blúsinn holdgerður. Hún er einfaldlega ein frábærasta blússöngkona Chicago. Kraftmikil rödd hennar djúp og eilítið hrúf streymir beint frá hjartanu með ómengaðan hráan blúes sem sendir hroll niður eftir hryggnum og fær líkama og hjarta til að blæða. Grana´ Louise er einstaklega skemmtilegur flytjandi og er framkoma hennar flestum ógleymanleg. Hún er þekkt um heim allan sem kraftmikil bluessöngkona en auk þess semur hún tónlist og er einnig tónlistarútgefandi. Einstæð og innblásin blúestúlkun hennar dregur stöðugt að sér fleiri og fleiri einlæga elskendur blúsins

Grana´ Louise heldur úti mjög góðri vefsíðu www.granalouise.com og hvet ég alla til að kíkja þar inn ef þeir vilja vita meira. Hún er með mörg járn í eldinum og virðist hafa óstöðvandi orku. Á heimasíðunni sést hverjum hún hefur spilað með og þá líka þau verðlaun sem hún hefur unnið til, útgefnar hljómplötur og uppkomandi tónleikar.

Fruteland Jackson

Blúsmaður með Mississippi í æðum , en hann kemur fram á Blúshátíð í Reykjvík um páskana ásamt þrem fremstu blúsdrottingum Chicago og breiðri flóru af íslenskum blúsmönnum. Fruteland Jackson kemur fram á gospel og sálmatónleikum í Fríkirkjunni á föstudaginn langa en þar koma einnig fram blúsdívurnar Zora Young, Deitra Farr og Grana Louise ásamt íslenskum tónlistarmönnum. Fruteland verður líka aðalgesturinn á stórtónleikum á Nordica Hotel miðvikudagskvöldið 12. apríl kl. 21. Fruteland er margverðlaunaður blússöngvari, með djúpar rætur í blúshefðinni sem spratt við árósa Mississippi en þar fæddist hann. Nýjasta platan hans, Blues 2.0, sem kom út árið 2004, fékk rífandi góða dóma, og var tilnefnd til W.C Handy verðlaunanna sem besta akústíska blúsplata þess árs.2004 -  W. C. Handy Nominee for Best Album

Fruteland starfar nú í Chicago. www.fruteland.com

Bjöggi Gísla, Gummi P. Dóri Braga & Siggi Sig

Það hlýtur að teljast stórviðburður þegar þessir fjórir koma saman til að spila. Þetta gera þeir Bjöggi Gísla, Gummi P. Dóri Braga og Siggi Sig. munnhörpuleikari á tónleikum á Blúshátíð í Reykjavík, miðvikudagskvöldið 12. apríl á Nordica. Það sem gerir þennan viðburð ekki síður merkilegan er að þarna verða þeir í fyrsta sinn saman á sviði.
Fjórmenningarnir bjóða til sannkallaðrar verandarstemmningar að hætti blúsmanna í Mississippi forðum,þegar blúsinn var í árdaga. Þjóðsaga í Mississippi segir að ef blúsmenn biðu við krossgötur í myrkri þá myndi Legba koma og stilla gítarinn eða blása í munnhörpu blúsmanna.Þetta hefði þau áhrif að blúsmenn gætu dáleitt áheyrendur og öðlast snilligáfu.Sumir segja að þessir fjórmenningar hafi hitt Legba á krossgötum og ætli að kveða hann í kútinn þetta kvöld..

Vinir Dóra

hafa verið í fararbroddi blústónlistar á Íslandi síðan þeir hituðu upp fyrir John Mayall árið 1989 og hafa haldið hundruði tónleika og reynt að bjóða upp á blús eins og hann gerist bestur. Guðmundur Pétursson er einn besti gítarleikari á Íslandi og það er hrein unun að heyra hann gera það sem hann gerir einna best af öllu sem er að spila blús með Vinunum. Vinir Dóra hljóðrituðu disk með blúsgoðsögninni Pinetop Perkins 1993, en hann fékk í fyrra Grammy verðlaun fyrir framlag sitt til tónlistar "Lifetime Achievement Award " .Pinetop er guðfaðir Vina Dóra í blúsnum.Þess má geta að Pinetop þykir diskurinn með Vinunum sín besta plata og kaupir hann af útgefanda í Chicago eintök til að selja á tónleikaferðum. Diskurinn Pinetop Perkins with the Blue Ice Band featuring Chicago Beau er enn á lista í  öðru sæti eftir 12 ár á www.cdmojo.com og orðin cult plata seld á 80$ notuð. www.pinetopperkins.com .

Hlöðver B. Jökulsson & fl.

Hlöðver hefur sett saman svolítið prógramm með kvæðum Kristjáns fjallaskálds ásamt félögum sínum Tómasi A. Ragnarssyni og Rúnari Þ. Þórarinssyni og verður það flutt á tónleikum Blúshátíðar í Reykjavík á Nordica, miðvikudagskvöldið 12. apríl."Ég var staddur inní kæliklefa Domino's Pizza á Grensásvegi, og vantaði texta við blúsaða melódíu sem ég var búinn að vera með á heilanum í allan dag, þegar ég fékk hugljómun og tók að syngja: Kveðið á sandi, " segir Hlöðver B. Jökulsson um tildrög þess að hugmyndin kviknaði um að syngja kvæði Kristjáns fjallaskálds Jónssonar í blús, en Kveðið á sandi er kvæðið góða sem allir þekkja: Yfir kaldan eyðisand. "Eftir að hafa fengið hugljómun, langaði mig að klæða Kristján í viðeigandi föt, og fannst mér blúsfötin hafa verið eins og klæðskerasaumuð utan á hann," segir Hlöðver.Kristján fjallaskáld lést 27 ára gamall laust fyrir aldamótin 1900 um svipað leyti og handan Atlantshafsins var að fæðast fólk, sem síðar átti eftir að verða goðsagnir í blúsheiminum, eins og Bessie Smith og Robert Johnson.
Kristján átti margt sameiginlegt með þeim, og ljóðin hans voru sprottin af sama meiði og blústextarnir. Handan hafsins sungu menn; “I got the blues..”, en hér orti Kristján; “berst mér negg í brjósti snautt..”, til að lýsa sinni mæðu, og vanlíðan.

"Ég held að vísur eins og Yfir kaldan eyðisand séu samtíða hverjum Íslendingi og Kristján bjó jafnframt yfir andstæðum sem einkenna okkar tíma. Kristján orti sig líka út úr kennikerfum 19. aldar og var á vissan hátt 20. aldar maður. Ég held reyndar að leiðin til nútímaljóðsins liggi frá Jónasi Hallgrímssyni í gegnum Kristján til Jóhanns Sigurjónssonar."1 Útisetur munu hafa farið fram á krossgötum að næturlagi, á mörkum mannlegs samfélags, reynt var að víkka út vitundina, virkja dulin sálarlífsöfl og sameina þau öflum hins heimsins, vekja tröll upp: máttarvöld óskynsemi og náttúru. ." tilvitnun Matthías Viðar Sæmundsson.

Blússveit Þóllýar skipar skemmtilegur bræðingur af hljómlistarmönnum sem koma úr ýmsum áttum og eru á öllum aldri. Í þessu líflega vímuefnalausu bandi leggja þau til hliðar fyrrverandi tónlistarstefnur. Þungarokkarinn, gospelsöngkonan og jazzarinn sameinast hér í leit sinni að rótunum. En sameiginlega rót sína hafa hljómsveitarmeðlimir fundið í trúnni á æðri mátt og blúsnum. Og blúshjartað mun flytja okkur rokkblúsaðan sálm svo eitthvað sé nefnt. En hljómsveitin fer mjög óhefðbundnar leiðir í lagavali og efnistökum.
Hljómsveitina skipa Þollý Rósmundsdóttir:söngur, Magnús Axel Hansen:gítar, Björgvin Óskarsson:gítar, Lovísa Sigrúnardóttir:bassi og Benjamín Ingi Böðvarsson: trommur.

The Bumcats er rokkabillýkántrýgospelblúsband sem stofnuð var í byrjun þessa vetrar og þreytir frumraun sína opinberlega á blúshátíð. Hljómsveitina skipa hjónin Tómas Ragnarsson og Esther Jökulsdóttir auk tengdafrændans Péturs S. Jónssonar á gítar og kjörsonanna Helga Egilssonar á kontrabassa og Snorra Páls Úlfhildarsonar sem flengir húðir. Hjónakornin syngja auk þess sem húsbóndinn þenur munnhörpuna og semur lög og ljóð á síðkvöldum. Rónakettirnir stefna ótrauðir að því að fá ljósastaur í Nashville og umferðareyju í Minsk nefnda í höfuð sér og útiloka ekki framboð til komandi sveitastjórnarkosninga.

Krummarnir undir forustu Hrafnkels ætla að taka flugið með Snorra, Magnúsi , Helga og Kristjáni Þetta eru ungir og efnilegir menn sem ekki eru ókunnugir blúsnum. Margir þeirra stunda nám við FÍH skólann og ætla að að koma á óvart með tónlist sinni og láta hefðir og lögmál víkja fyrir augnablikinu. Sönn ánægja að kynna þá til leiks.

Blúsmaður verður heiðraður Það stendur til að heiðra blúsmann   við setningu Blúshátíðar í Reykjavík um páskana  og gera að heiðursfélaga Blúsfélags Reykjavíkur  .   Sendið tilllögur hvern ætti að heiðra á netfangið  blues@blues.is  . Magnús Eiríksson var heiðraður 2004 og Björgvin Gíslason 2005 Miðasala á Blúshátíð í Reykjavík um páska fer vel af stað  . Miðaverði hefur tekist að stilla í hóf og ber að þakka það stuðningsaðilum , sem láta tónleikagesta njóta lágs miðaverðs og glæsilegrar Blúshátíðar í Reykjavík. Deitra Farr biður að heilsa  til Íslands og sagði" við Divurnar getum ekki beðið eftir að koma og syngja fyrir ykkur" . Andrea Gylfa er að frumsýna í kvöld og sagði í dag" það er ekkert smá fjör hjá mér um þessar mundir ,það verður ekkert smá gaman að koma og syngja á blúshátíð "

.4. F9ullt var út úr dyrum á lokakvöldi Blúshátíðar annað kvöldið í röð og enn einu sinni sýndu Vinir Dóra að blús er tónlist fólksins með því að bjóða uppá skemmtun af bestu gerð þar sem þátttaka gesta og áheyranda er í hávegum höfð. Einnig spiluðu þeir blús eins og hann gerist bestur. Blúshátíð vill þakka öllum fyrir komuna og þeim sem lagt hafa okkur lið...Munið eftir að skrá ykkur á póstlista Blúsfélags Reykjavíkur hér til hliðar til að fá blúsfréttir í tölvupósti.

Blúshátíð í Reykjavík

er komin til að vera!

Gleðilega páska

Blúshátíð í Reykjavík bluesfest@blues.is

 

Myndir Júlíus Valsson

 

 

Vinir Dóra

 

 

 

 

Kalli Bjarni kom og söng nokkur lög og gestir tóku hraustlega undir með honum enda var frábær stemming á Hótel Borg.

 

 

Páll Rósinkranz söng nokkur lög með Vinum Dóra og sýndi að þar er á ferð alvöru blússöngvari.

 

 

 

 

8.4 Uppselt var á Hótel Borg miðvikudaginn 7.4.

Myndir Júlíus Valsson

 

 

 

 

 

 

 

Blúsmenn Andreu sýndu snilldartakta. Blúsdottninginn hefur sennilega aldrei verið betri enda er samdóma álit þeirra sem heyrðu að Andrea Gylfadóttir er löngu komin á heimsmælikvarða.

 

Þeir Blúsmenn , Guðmundur Pétursson á gítar, Jóhann Hjörleifsson á trommur og Einar Rúnarsson á Hammond fengu Mezzofortemanninn Jóhann Ásmundsson á bassa til liðs við sig

 

 

 

 

Fylgdu þeir félagar Andreu upp í hæstu hæðir töfraheims blústónlistar eins og hún gerist best.

 

 

 

 

 

Í lokin var frumkvöðull Blúshátíðar, blúsmaðurinn Dóri fenginn uppá svið við mikinn fögnuð viðstaddra..að þessu sinni án hattsins ......

 

Pollock bræður Danni og Mikki ásamt Gunnari Hrafnsyni á bassa og Gunnari Erlingssyni á trommur í  Smokie Bay Blues Band kynntu salinn upp með gömlum blúsum og var fengur að fá þá á hátíðina.

 

6.4. Fyrsta kvöldið á Blúshátíð var stórkostlega vel heppnað og góð mæting og menn fóru á kostum á sviðinu. Frábær byrjun á Blúshátíð sem lofar góðu um næstu kvöld. Blúskompaníið með þá Magga Eiríks og Pálma Gunnars í fararbroddi voru í banastuði.

Maggi og Pálmi í stuði 6.4

Góður rómur var gerður að leik Dóra og Gumma P sem opnuðu kvöldið að blúshætti frumherjana frá Missisippi Delta svæðinu

Gummi með sleðann á gítarnum 6.4

 

 

 

 

 

Strákarnir í Mood sýndu að ungu blúsmennirnir eru að á uppleið

Mood á sviðinu 6.4.

 

 

 

 

Opnunarhátíðin var í í beinni á Rás 2 þeirri öndvegisrás okkar landsmanna...Opnunarhátíðin milli 17-18 var í í beinni á Rás 2 þeirri öndvegisrás okkar landsmanna....og fólk þáði veitingar meðal annars bláan blúsdrykk sérlagaðan af barþjónum á Hótel Borg. Hið Íslenska Byssuvinafélag er sérstakur verndari blúshátíðar og settu þeir byssuvinir svip á opnunarhátíðina með sínar rauðu húfu..

Júlíus Valsson tók þessar frábæru myndir.

Gleðilega Blúshátíð í Reykjavík
Hótel Borg 6. 7. & 8. Apríl

6. Apríl kl 17.00  Setningarathöfn Blúsdjamm 

kl 21.00 Maggi Eiríks & Blúskompaníið, Dóri & Gummi P  Mood.

7. Apríl  kl 21.00  Blúsmenn Andreu  Smokie Bay Blues Band Mikki & Danny Pollock .

8. Apríl kl 21.00 Vinir Dóra Páll Rósinkranz & Kalli Bjarni Doug Lang

Eitt og annað um Blúshátíð 

  Blúshátíðir eru sjálfsagður hluti af menningarlífi allra betri borga hins siðmenntaða heims og löngu tímabært að Reykjavík hljóti eina slíka. Hátíðin verður haldin í hinum fornfræga gyllta sal á Hótel Borg dagana  6. 7. og 8. apríl . Dagskrá hátíðarinnar er vegleg og vönduð og mikið í hana lagt. 

  Sérstakur fengur er að því að Blúskompaníið sem er elsta starfandi blússveit landsins kemur saman að nýju á opnunarkvöldi hátíðarinnar með þá Magnús Eiríksson og Pálma Gunnarsson í fararbroddi.Ungliðarnir í Mood kynda upp fyrir þá kappa. Dóri og Gummi P verða með hluta af sveitablúsdagskrá sinni í anda frumherjanna frá óshólmum Missisippi árninar í Suðurríkjum Bandaríkjanna.

      Miðvikudagskvöldið stígur ókrýnd blúsdrottning Íslands á svið ásamt blúsmönnum sínum í Blúsmönnum Andreu en hún hefur fyrir löngu lagt Ísland að fótum sér.  Frumherjarnir Pollock bræður sem blúsuðu sig inn í hjörtu þjóðarinnar með Utangarðsmönnum  kynna nú til sögunnar glænýja sveit sína  Smokie Bay Blues Band . 

    Hátíðinni lýkur svo á 15 ára afmælistónleikum Vina Dóra á skírdag, en mönnum eru enn í fersku minni hinir rómuðu tónleikar Vinanna á árum áður á Hótel Borg. Blúskóngurinn Dóri Braga kynnir til blúsleiks nýja vini sína þá stórkostlega efnilegu blússöngvara Pál Rósinkranz og Kalla Bjarna Idolstjörnu sem sló svo eftirminnilega í gegn þegar hann vann íslensku Idol-keppnina með því að syngja blúslagið sívinsæla um Salvöru á villitryppinu (Mustang Sally) við mikinn fögnuð íslensku þjóðarinnar. Aðdáendur gítarsnillingsins Guðmundar Péturssonar verða heldur ekki fyrir vonbrigðum á hátíðinni því hann mun þenja gítarinn af sinni alkunnu snilld með hinum og þessum öll kvöldin. Sérstakur gestur hátíðarinnar er Doug Lang sem kemur alla leið frá Vancouver í Kanada og leikur frumblús á kassagítar.

 

26.3 

Blúshátíð í Reykjavík

Hótel Borg 6. 7. & 8. apríl

 

Dagskrá:

10.3

Nú er að rætast gamall draumur blúsáhugamanna því ákveðið hefur verið að halda fyrstu  BLÚSHÁTÍÐ Í REYKJAVÍK.  

Það eru listamenn ásamt ykkur í Blúsfélagi Reykjavíkur  sem standa fyrir hátíðinni í samvinnu við stofnanir og fyrirtæki. 

Á hátíðinni munu koma fram flestir af okkar bestu blústónlistarmönnum  m.a. Andrea Gylfadóttir, Magnús Eiríksson, Halldór Bragason, 

Guðmundur Pétursson, Vinir Dóra, Páll Rósinkranz, Kalli Bjarni,Smokie Bay Blues band sem í eru meðal annara Pollock bræður ,

Doug Lang frá Kanada og fleiri með fyrirvara um breytingar á dagskrá. Rás 2 hefur sýnt áhuga á að taka hátíðina upp og senda jafnvel beint út.

Það er stefnt á að BLÚSHÁTÍÐ Í REYKJAVÍK verði árlegur liður í menningarlífi borgarinnar um páskana. 

  Sýnum samstöðu og  fyllum húsið og sköpum þannig grundvöll fyrir áframhaldandi blúshátíðahöldum um ókomin ár. 

26.1

Tækifæri fyrir blúsara að gefa út??

19.1 2004

Blús á Borginni

Fimmtudaginn 29.1 kl 21.00

11.1

1.11 Stofnfundur Blúsfélags Reykjavíkur og blúsdjamm aldarinnar.

Blúsfélag Reykjavíkur mun  verða formlega stofnað á Kaffi
Reykjavík fimmtudaginn 6. nóvember  kl 21 . 

  Dagskrá
  21 00 ávarp tilgangur og stofnun Blúsfélags Reykjavíkur kosin
  undirbúningsnefnd
  Kynntur hugmyndabanki og póstlisti ...umræður


  21 30 Blúsdjamm
  Maggi Eiríks og K.K. Vinir Dóra, Blúsþrjótarnir , Blúsmenn Andreu,Páll
  Rósinkrans.o fl blúsa ......blúsandi svífur yfir sálarlífið
  22 00 Félagi heiðraður

  22 05 Blúsdjamm

  Á fundinn munu mæta allir helstu blúsarar landsins, s.s.
  Heiðursfélagi nr. 1 verður útnefndur á fundinum.

  Aðgangur er ókeypis og eru allir sem vilja taka þátt í þessu velkomnir.

  Undanfarna mánuði hafa áhugasamir aðilar staðið að ýmsum blúskvöldum og
  hefur það sýnt sig að mikill blúsáhugi
  er hér á landi og er sívaxandi.  Með stofnun Blúsfélags Reykjavíkur er
  markmiðið að greiða fyrir framgangi blústónlistar
  á Íslandi og sameina blúsáhugafólk í eitt félag sem ætti að auðvelda
  framgang tónlistarinnar.

13.9 Vinir Dóra koma saman á ný eftir hlé fimmtudaginn 25.9. á Vídalín

10.9 Tónlistarhátið á Vídalín í september dagskráin er hér.

Sett hefur verið tónlistar hátíð á Vídalin í september. Hátíðin kallast
"Septemberfest Tónlistarhátíð Haustsins" Hátíðin byrjaði 5 september
síðastliðin og sér umboðskrifstofan Virgo um skipulagningu og undirbúning
Hátíðarinar í samvinnu við aðstaðdendur Vídalíns. Boðið verður upp á
fjölbreytta tónlist af öllu tagi allt frá blues, pönk Rokki og poppi, alla
daga vikurnar.

10. South River Band (Heimstónlist)
11. Halldór Braga og Guðmundur Péturs (Alvöru Blús)
12.Underwater (Sveitaball)
13.Underwater(Sveitaball)
14.Blues Binns (kondí Chillið)
15.Óvænt
16.Vísnakvöld Bjarni Tryggva (Dónakvöld)
17. 2Good (lúft í eyra)
18. Drum and Base
19. H.Á.S (sveitaball)
20.H.Á.S. (sveitaball)
21 Blues Binns
22. Óvænt
23. Vísnakvöld Bjarnitryggva. (ekki fyrir viðkvæma)
24. Einar Ágúst og Gunni Óla (2/5 Skímó)
25. Vinir Dóra (fyrsta skipti í langan tíma)
26. Sein (pönk tónleikar)
27 óvænt
28. Blues Binns
29. Touch (popp/rokk)
30. Vísnakvöld (óvænt)

21.8 ný síða með blústextum sjá hér til vinstri

20.8 Fyrirhuguð er hópferð til Köben í október með blúsáhugamönnum spilað verður á tónleikum og verður þetta helgarferð farið á föstudegi og komið á sunnudegi.

verið í sambandi til að fá nánari upplýsingar

23.7 Þættir Halldórs um sögu blússins verða endurteknir í ágúst á rás 1 á miðvikudögum kl 23.15 

11.7 Munið þáttaröð Halldórs um sögu blússins á Rás 1 og verða þeir alls 7. Á fimmtudögum  kl 10.15 og hann endurtekinn daginn eftir kl.22.15....Blúsmenn Andreu fara núna um helgina og leika á blúsfestivali í Svíþjóð.

1.7 Piano Blues - leikstjórinn og píanóleikarinn - blúsunnandi - Clint Eastwood (Play Misty for Me, Bird, Unforgiven) gerir mynd um píanóblús, 

tekur viðtöl og þar koma meðal annars fram goðsagnir eins og vinur okkar  Pinetop Perkins og Jay McShann, ásamt Dave Brubeck og Marcia Ball.
þetta er mynd í röð blúsmynda sem væntanlegar eru eftir fræga leikstjóra ......sjá hér

30.6 Rás 1 bætti við 3 þáttum í þáttaröð Halldórs um sögu blússins og verða þeir alls 7. Á fimmtudaginn verður 3. þáttur kl 10.15 og hann endurtekinn daginn eftir kl.22.15....

30.6 Frábært var á Blue North Festival í Ólafsfirði um helgina mikil stemming og veðrið frábært yfir 20 stiga hiti. Fólk skemmti sér konunglega og góð mæting. Frábært framtak hjá ollum sem standa að þessu. Við þökkum kærlega fyrir að fá að taka þátt í þessu. Þetta sýnir að bæjarfélag getur gert stórkostlega hluti þegar samstaðan er fyrir hendi. Reglulega ánægjulegt að sjá unga sem aldna skemmta sér svona saman yfir góðri metnaðrfullri dagskrá.   

7.6 Fullt var á tónleikunum á Vídalín í gærkvöldi og við þökkum öllum sem komu og aðstoðuðu.Ef þú vilt vera á póstlista og fá sent fréttabréf 

og tilkynningar um blúsviðburði sendu þá póst á bluesice@hotmail.com .

26.6.Nokkrir hafa haft samband og hafa áhuga á námskeiði ef þú hefur áhuga hafðu samband.Ef næg þátttaka fæst höldum við kannski annað.

23.6 Námskeiðið gekk vel um helgina og við þökkum öllum sem komu og þeim sem lögðu okkur lið .Þegar í dag hringdu tveir til að skrá sig á næsta,

 en ef áhugi er á að koma á námskeið sakar ekki að hafa samband ,aldrei að vita nema við endurtökum leikin ef áhugi er fyrir öðru námskeiði.

18.júní Halldór Bragason byrjar með þætti um sögu blússins á rás 1 kl 10.15 19.6 og verða þeir vikulega alls sjö þættir.Þátturinn er endurtekinn daginn 

eftir kl 22.15.

16.6. Tónleikarnir í Hafnarfirði í gærkvöldi stóðu svo sannarlega undir nafni "Bjartir dagar" Kaffi Aroma er svo skemmtilegt þar er gott útsýni yfir höfnina og okkur fannst góður hljómur í salnum. Frábært kvöld og góður tími að spila 20.30. Bestu þakkir til Hafnfirðinga fyrir kvöldið.

15.5 Enn ein veislan Blue North Festival í Ólafsfirði  dagskráin er komin.

12.6. Góðar viðtökur við námskeiðinu margir búnir að bóka sig það borgar sig að skrá sig fyrr en seinna

9..6. Annað námskeið verður haldið 21.& 22 júní í Tónlistarskóla Hafnarfjarðar nánar hér

9.6. Blue North Festival er búið og var mjög vel heppnað.Þvílík fegurð er í Hólminum .Ég þakka kærlega fyrir frábæra gestrisni Hólmara og þetta var frábær helgi. Allir skemmtu sér konunglega og gaman að fá að taka þátt í þessu. Leifur tók fleiri myndir þær eru hér  þökkum honum

 

 

 Dóri að djamma með Norðmönnunum hann hafði ekkert spilað á rauða fenderinn í marga mánuði kominn tími til....

4.6.Veisla framundan fyrir blúsara Blue North Festival um helgina. dagskráin er hér. Sjáumst í Hólminum.......... 

3.6. Slæmt veður setti svip sinn á Chicago blúshátíðina um síðustu helgi allt niður í 7 stiga hita og hvirfilvinda viðvaranir frá veðurstofunni á föstudaginn ,hægt er að sjá dagskránna hér og lesa á ensku frétt hér. Samt komu 560,000 á hátíðina. Vinir Dóra komu fram með Pinetop þarna 1993. Vinkona okkar Shirley King (já hún er er dóttir BB King)sem kom hingað og söng og kom síðan fram með Vinum Dóra á Sardiníu á Rocce Rosse blúshátíðinni söng með Willie Kent, aumingja hann!! hún er ekki skemmtileg ,á Ítalíutúrnum hafði hún allt á hornum sér kvartaði yfir ítalska matnum og fl .Að lokum var hún send heim og urðu allir fegnir .BB King var samt ánægður með okkur sagði við mig."thank you for taking my daughter overseas"!!!!!

2..6 Margir eru að spyrja um annað námskeið og við erum að spá í helgina 21&22 júní verið í sambandi ef þið viljið vera með. Nú  þegar eru nokkrir búnir að panta pláss á næsta námskeið.

Tónleikarnar á Vídalín heppnuðust vel ,okkur leið vel með að spila á sjómannadaginn. Við reynum alltaf að nota augnablikið í leik okkar, að láta tónlistina streyma  fram. Blúsinn er tónlist augnabliksins og það sem hjóðritað hefur verið af blús segir svipaða sögu og mynd úr sumarleyfi rifjar upp stemmninguna en kemur þér ekki á staðinn. Það er þessi upplifun sem tengir sálartetrið við hjartað .

Gummi P og Dóri á Vídalín .

31.05. Gaman var að spila í Grindavík í gær og góður rómur var gerður að leik okkar....Við renndum í nokkur ný lög og tókst vel.Frábært fólk  í Grindavík enda á Gummi P. ættir að rekja þangað. Þannig að hann gat sagt með sanni að hann væri kominn í sína heimasveit. Færum við Grindvíkingum þakkir okkar fyrir mjög eftirminnilegt kvöld og vonum að við komum aftur að spila þar.

28.5.Gummi P. og Dóri lögðu inn umsókn að kynna blús í skólum í verkefninu Tónlist fyrir alla http://listir.is/tfa það er kominn tími á að skólabörn landsins fái tækifæri á  að kynnast blústónlist........fróðlegt verður að vita hvort umsókn þeirra fær brautargengi.

26.5  Vinur okkar og guðfaðir Pinetop Perkins blúspíanóleikari vann Handy verðlaunin 2003 12. árið í röð nú um helgina. 

Hann vann líka árið 2002. Hér er hægt að sjá lista yfir þá sem unnu í ár. http://www.blues.org/articles/index.cfm?ID=171 

Pinetop Perkins verður 90 ára í sumar.Hér er mynd af Pinetop frá Chicago Blús hátíð 2002.

Við óskum honum til hamingju með Handy verðlaunin.

W.C. Handy Blues Awards for Pinetop Perkins

Ár	Flokkur	nafn	Tiltill	Merki	Annað
1992	Instrumentalist of the Year	Pinetop Perkins			Piano/Keyboard
1993	Instrumentalist of the Year	Pinetop Perkins			Piano/Keyboard
1994	Acoustic Album of the Year	Pinetop Perkins	Portrait of a Delta Bluesman	Omega Classics
1994	Instrumentalist of the Year	Pinetop Perkins			Piano/Keyboard
1995	Instrumentalist of the Year	Pinetop Perkins			Piano/Keyboard
1995	Traditional Male Artist of the Year	Pinetop Perkins
1996	Instrumentalist of the Year	Pinetop Perkins			Piano/Keyboard
1997	Instrumentalist of the Year	Pinetop Perkins			Piano/Keyboard
1998	Instrumentalist of the Year	Pinetop Perkins			Piano/Keyboard
1999	Instrumentalist of the Year	Pinetop Perkins			Piano/Keyboard
2000	Instrumentalist of the Year	Pinetop Perkins			Piano/Keyboard
2001	Instrumentalist of the Year	Pinetop Perkins			Piano/Keyboard

Einnig óskum við vini okkar Willie Kent til hamingju með verðlaun  sem besti bassaleikarinn.Hann leik með okkur í Chicago tónleika ásamt Andreu Gylfa. Þess má geta að hann bjó þá í bíl við illan kost en er orðin stjarna í dag.