Galdrastafir

GALDRASTAFIR

Angurgapi	Þessi galdrastafur var notaður til að drepa gripi fyrir öðrum í hefndarskyni, þætti mönnum þeir eiga eitthvað útistandandi. Í Þjóðsögum Jóns Árnasonar segir af manni sem taldi sig eiga sveitungum sínum ýmsa harma að hefna. Hann risti angurgapa á tunnuhlemm og skoppaði honum af stað í átt til fjandmmanna sinna til að drepa fénað þeirra. Hver skepna sem hlemminn leit féll umsvifalaust dauð niður og varð skepnufall gríðarlegt. Svo hratt snerist hlemmurinn að engin leið var að sjá hvaða tákn hann bar og réðu kunnáttumenn um galdra þennan ófögnuð svo, að tækist einhverjum að lesa hvað stæði á hlemminum yrði meininu létt. Loks tókst galdramanni úr Fljótunum að lesa táknið og féll hlemmurinn þá um koll og hreyfðist ekki framar. (Heimild: Þjóðsögur Jóns Árnasonar 1.bindi bls.437)
Ægishjálmur	Ægishjálm `skyldi þrykkja milli augabrúna mót öllu illu.`
Þ.L.H.N.F.	Tákn Þórs, Loka, Hænis, Njarðar og Freys í einum staf.
Þundur	Óðinsheiti. Þessi stafur þótti æði kraftmikill og var mikið notaður til hjálpar gegn myrkfælni.
Róðukross	Fólk bar þetta tákn á brjósti sér til hamingju, sigurs og velfarnaðar. Það var einnig borið illum örlögum.
Ginfaxi	Gapaldur undir hæli, ginfaxi undir tá. stattu hjá mér fjandi því nú liggur mér á.	Gapaldur
Munnlaugarstafur	Þennan staf ristu menn á botn munnlaugar til þess að geta séð þann sem stolið hafði frá þeim.Stafirnir eru fleirri og voru margar og mismunandi sermoníur viðhafðar við notkun þeirra