Alla tíð hef ég haft mikinn áhuga á ökutækjum og akstri. Þannig hef ég mikla reynslu í að keyra vörubíla, rútur, leigubíla og bifhjól.

Auk þess að kenna á bíl er ég menntaður tónlistarkennari og hljóðfærasmiður.
Ég stundaði m.a. nám í Tónlistarskólanum í Reykjavík og lauk þaðan kennaraprófi árið 1985. Eftir að hafa stundað kennslu fór ég til Hamborgar og lærði hljóðfærasmíði hjá hinu heimsþekkta fyrirtæki Steinway & sons. Að námi loknu fór ég til Berlínar og bættti við mig þekkingu varðandi viðgerðir á eldri hljóðfærum.