|
 |
Erlingur
Brynjólfsson
Starf: Framhaldsskólakennari við
Fjölbrautaskóla Suðurlands, Selfossi. Menntun: Sagnfræðingur.
Bíll: Toyota Touring 4WD...Fráskilinn síðan 1989. Er ekki í sambúð
og er sjálfbjarga með flest það sem þarf í húshaldi, hvort sem það
er að strauja skyrtur, stytta buxur eða sauma gardínur. Þrátt
fyrir þetta er ég ekki andvígur konum í lífi mínu, ég bara þjáist
af því sjónarmiði að konur séu ekki ambáttir og hef frá örófi alda
litið svo á að engin kona eigi að vera í þjónshlutverki á mínu
heimili. Hvort sem það er þess vegna að ég bý einn eða út af
einhverju öðru veit ég ekki. Hitt veit ég að ég er lítið fyrir að
nota vín heima nema þá með mat og stundum við kertaljós, að vín
eigi ekki heima í samböndum fólks eða inni á heimilum, eða yfir
börnum,og að það sé ekki fjölskylduvænt heldur, svo ef þú ert að
leita þér að drykkjufélaga og sukkbróður þá segi ég pass. Ég á tvo
syni, Brynjólf 23 ára og Andra 16 ára. Andri býr hjá mér en
Brynjólfur er við nám í tölvufræðum í Háksóla Reykjavíkur og býr á
Stúdentagörðum með sinni kærustu. Ég bý á Selfossi Ég
hef meðal annars gaman af eldamennsku
en ekki handa mér einum, ljósmyndun, myndlist, tölvum og öllu
yfirleitt sem ekki er ljótt og leiðinlegt.
|
Andri |
Brynjólfur |
Hugmyndin með
þessari síðu er að gefa sem glæsilegasta en samt sannferðuga mynd
af sjálfum mér og því sem ég er að aðhafast. Hér fyrir neðan eru
slóðir að áhugamálum mínum og hér er eitthvað meira um
mig.
Já og
áhugamálin...að vera úti í náttúrunni, að láta fara vel um mig
heima, ljósmyndun, tölvur, vefsíðugerð, að vera innan um fólk,
allt sem er nýtt og framandi, að fara út að borða í góðum
(kvenkyns) félagsskap, elda og borða góðan mat..alls kyns
lífsleikni og allt sem eykur gæði lífsins. Ég get haft gaman af
djúpum pælingum en er lítið fyrir þrætur. Ég hef lítinn áhuga á
vandamálafólki, vasaklútamyndum og drukknu kvenfólki.
|