Til baka

Öfund.

Allt of oft erum við að öfundast út í aðra það sem þeir eru að gera í staðinn fyrir að samgleðjast þeim. Með því erum við að senda þeim neikvæða hugsun. Ef til dæmis nágranninn kaupir sér bíl þá erum við gjörn á að segja “ Heldurðu að hann Siggi nágranni hafi ekki verið að kaupa sér jeppa upp á 3 miljónir, það vantar ekki peningana þar. “ Í staðinn fyrir að gleðjast með honum og segja “ Frábært hjá honum Sigga nágrana, hann var að kaupa sér jeppa uppá 3 miljónir.” Fyrir utan að senda honum neikvæða hugsun þá erum við líka að koma neikvæðni inn hjá okkur vegna þess að við höldum alltaf oft að aðrir hafa það betra en við vegna þess að það getur leift sér þetta eða hitt en ekki við. Málið er það að hamingjan kemur ekki með peningum eða veraldlegum hlutum. Fólk sem á allt og getur leift sér allt líður oft ekki vel. Það er jafnvel óhamingjusamt að mörgu öðru leiti. Það sést ekki á því hvernig fólki líður með hlutum sem það getur leift sér og oft er það að leita af hamingjunni með því að leifa sér þetta eða hitt.