Til baka

Herragarður:

250 gr. 250 gr. 500 gr. 2 1 tsk. 1 tesk.

smjörlíki sykur hveiti egg hjartarsalt sítrónudropar rabarbarasulta

Öllu - nema sultunni auðvitað - hnoðað saman. Tertumótin smurð og dustuð að innan með smávegis hveiti svo kökurnar festist síður við botninn. Deigið síðan flatt út svona 1/2 cm þykkt og skorið undan tertumóti. Sett í botn mótanna. Rabarabasulta síðan smurð yfir, ekki mjög þykkt. Það sem eftir er að deiginu flatt út og skorið í um það bil 1,5 cm breiðar lengjur með kleinuhjóli - eða bara hníf sé kleinuhjól ekki við hendina. Lengjurnar síðan lagðar yfir sultuna þannig að 3 lengjur eru settar þvert yfir mótið og síðan aðrar þrjá lengjur þvert yfir þær lengjur þannig að deiglengjurnar myndi einskonar grind ofan á sultunni. Afgangurinn af deiginu skorinn á sama hátt og lengja lögð með fram börmum mótsins, þannig að hún hylji enda lengjanna. Bakað við meðalhita. Geymist vel og alveg ágætlega í frysti. Þetta verða 2-3 kökur, eftir stærð tertumótanna. Aths. ömmu: Það er vitanlega smekksatriði hvernig kökurnar eru skreyttar með lengjunum og má leggja þær á ýmsa vegu. Ef ég hef haft botnana fullþykka og lítið deig afgangs til að skreyta með ofan á sultunni sker ég deigið út eftir smákökumótum og raða ofan á sultuna. Svo eru auðvitað engin lög sem segja að ekki megi nota einhverja aðra kökudropa - eða kökukrydd. Þessi kaka þykir alveg ómissandi í jólahaldi á mínu heimili. (Uppskrift ættuð frá tengdamóður minni, Helgu Hjálmarsdóttur)