Til baka

Kryddkaka með sultu:

75 gr. 2 2 dl. 1 1/2 dl. 3 dl. 1 1/2 tsk. 1/2 tsk. 1/2 tsk. 1 tsk. 30 gr. 1 dl.

smjör eða smjörlíki egg sykur súrmjólk hveiti matarsódi kanill engifer negull sultaður og hakkaður appelsínubörkur (uppskrift hér) rifs- eða sólberjasulta

Smyrjið 1 1/2 lítra form og stráið í það brauðraspi. Bræðið smjörið og kælið. Þeytið saman egg og sykur. Setjið súrmjólkina saman við. Blandið saman hveiti, matarsóda, kanil, engifer, negul og appelsínuberki. Hrærið því út í deigið. Setjið sultuna út í og síðast kælt smjörið eða smjörlíkið. Hellið deiginu í formið. Bakstur: Bakið neðarlega í ofninum við 175°C í um 55 mínútur. Hvolfið kökunni á rist, breiðið klút yfir hana og látið hana kólna áður en hún er skorin. Geymsla: Í lokuðu íláti eða plastpoka í 6-8 daga. Í frysti í allt að 6 mánuði. Kryddkökubitar: 12-15 stykki. Hellið deiginu í litla, 20x30 sm, smurða ofnskúffu með brauðraspi í. Bakið kökuna í 55 mínútur. Kælið. Skerið kökuna í bita og skreytið með því að sigta flórsykur yfir. Aths. ömmu: Mjúk og safamikil kryddkaka sem klárast fljótt. Ég hef til þessa ekki nennt að sulta appelsínubörk, kaupi bara mjúkt súkkat úti í búð og nota í staðinn. (Uppskrift úr Stóru bakstursbókinni, bls.162)