Til baka

Vínarbrauð:

2 bollar 3 bollar 4 msk. 100 gr. 3 tsk. 1

hveiti haframjöl sykur smjörlíki lyftiduft egg mjólk eftir þörfum rabarbarasulta í fyllinguna

Egginu skipt í tvennt og helmingur settur til hliðar til að smyrja ofan á vínarbrauðin, hinn helmingurinn fer í deigið. Öllu (nema sultunni) hnoðað saman og mjólk bætt út í eftir þörfum þannig að deigið loði vel saman en sé meðfærilegt til að fletja út. Deigið flatt út í um það bil 1/2 cm þykkt, um það bil 15-16 cm breitt (eftir hversu breið vínarbrauðin eiga að verða) og heldur styttri en breidd bökunarplatnanna. Rabarbarasultan smurð í miðjuna eftir endilöngu deiginu og deigið síðan brotið yfir eins og á vínarbrauðslengjum og sett á smurða plötu. Penslað að ofan með egginu og ef vill má strá (grófum) sykri yfir. Bakað við meðalhita, þar til fallega brúnt. Lengjurnar síðan skornar í hæfilega stór vínarbrauð. Aths. ömmu: Ugglaust má vel nota aðra fyllingu en rabarbarasultu, eins og til dæmis sveskjusultu eða einhverja aðra sultu. Ef fólki finnast vínarbrauðin fullbragðlítil má setja svona 1/2-1 tesk. af salti í deigið, en það er þó smekksatriði. Geymist ágætlega í frysti. (Uppskrift ættuð frá tengdamóður minni, Helgu Hjálmarsdóttur)