Til baka

Blóðmör:

1 l. 4 dl. 1/2 matsk. 900 gr. 750 gr.

blóð vatn salt rúgmjöl mör

Blóðið er mælt og sigtað gegnum fínt gatasigti eða gróft léreft. Þar á eftir er vatninu hellt gegnum sigtið og saltinu blandað saman við blóðið. Þá er helmingurinn af mörnum settur út í og mjölið hrært saman við og hrært í, þar til það er jafnt. Bezt er að gera það með hendinni. Þá er mörnum hrært saman við, eftir vild. Þá er blóðið látið í vambakeppina, sem stroknir eru upp úr köldu vatni. Vambakeppirnir eru látnir hálfir af blóðjafningnum. Þá er saumað fyrir þá og jafnað vel út í þeim. Það, sem eftir er af blóðjafningnum, er sett í léreftskeppi, sem hafðir eru mjórri í annan endann, svo betra sé að fletta þeim af. Keppirnir eiga að vera stroknir upp úr vatni. Betra er að hafa þykkri blóðjafning í léreftskeppina. Keppirnir eru fylltir alveg af blóðjafningnum og bundið vel fyrir opið með seglgarnsspotta. Þá eru allir keppirnir settir ofan í sjóðandi vatn, með salti, og vambakeppirnir soðnir í 3 klst. og oft snúið við í pottinum. Áður en vambakeppirnir eru teknir upp úr, verður að fleyta vel. Vambakeppunum er raðað á trébekk. Hinir keppirnir eru soðnir í 4-5 klst. alls. Þá eru þeir teknir upp úr og brugðið í kalt vatn. Þá er léreftspokunum flett af þeim og slátrinu raðað á borð og kælt. (Úr bókinni "Lærið að matbúa" eftir Helgu Sigurðardóttur)