Til baka

Fiskdeig (fiskfars):

Það má búa til úr hvaða fiski sem er, en venjulega er það gert úr ýsu eða þorski. 1. Bezt er, að fiskurinn hafi hangið í 2-3 daga, því að þá hefir sigið úr honum, og hann getur tekið á móti meiri vökva. 2. Fiskurinn er hreinsaður, flattur og skafinn úr roðinu. 3. Fiskurinn er nú saxaður 5-10 sinnum. Það fer eftir því hve vandað fiskdeigið á að vera. 4. Betra er að saxa hann með saltinu, því þá verður hann seigari. 5. Hveiti og öllu kryddi, eggi og mjólk er nú blandað í fiskdeigið. 6. Því betra er deigið, sem það er betur hrært. 7. Fiskdeigið verður að bíða um stund. 8. Bezt er að prófa deigið, hvort það er mátulega stinnt, með því að sjóða eina bollu. 9. Soðið eða steikt eftir því, í hvað á að nota það. (Úr bókinni "Lærið að matbúa" eftir Helgu Sigurðardóttur) Aths.ömmu gömlu: Nú til dags væri væntanlega bara keypt tilbúið fiskhakk eða fiskflak og fiskurinn ásamt lauknum hakkaður einu sinni í matvinnsluvél eða öðru rafdrifnu tæki, en eigi að síður eru grundvallarreglurnar góðar og gildar og líka mjög fróðlegt að kynnast hvað ætlast var til að húsmæður hér áður fyrr leggðu mikla vinnu í matargerðina.