Til baka

Langaföstu-bollur (Flengingarbollur):

1/2 kg. 375 gr. 1/4 líter 25 gr. 50 gr.

hveiti smjörlíki mjólk pressuger sykur eplamauk eggjabráð I rúsínur súkkat

Hveitið sáldað og velgt, einnig mjólkin. Gerið brytjað og brætt með sykrinum. Smjörlíkið mulið saman við hveitið. Það, sem eftir er af sykrinum, hrært saman við. Vætt í með gerinu og mjólkinni. Hrært með sleif, unz það er seigt. Deigið fært í hrúgu í fatinu og hveiti stráð yfir, og bréf lagt ofan á. Látið bíða á heitum stað í þrjá stundarfjórðunga. Hnoðað í fatinu. Deigið hlutað í smástykki, heldur stærri en egg. Hvert stykki hnoðað milli handanna og flatt í lófanum. Eggjabráð eða eplamauk er látið á miðju deigsins og það brotið því næst saman (allar raðir) og látið á smurða, hveiti stráða plötu, þannig að samskeytin snúi að plötunni. Platan látin vera við hita, þangað til kökurnar hafa lyft sér. Smurðar eggjahvítu. Bakaðar við mikinn hita, ekki lengur en fjórðung stundar. Í stað eggjabráðar og eplamauks má láta súkkat og rúsínur innan í bollurnar. Aths. ömmu: Þar sem segir: "Gerið brytjað og brætt.." er væntanlega átt við að leysa eigi gerið upp í volgu vatni ásamt svolitlu af sykrinum. Um gerð eplamauks er fjallað fremst í uppskriftinni af eplaköku. Fáist ekki súkkat er hægt að búa það til úr appelsínuhýði. (Úr bókinni "Bökun í heimahúsum" eftir Helgu Sigurðardóttur)