|
|
| Harðfiskur: |
|
Herða má flestan fisk, t.d. þorsk og ýsu, steinbít o.fl. Fiskurinn er þveginn, hausinn skorin af honum, sé
fiskurinn hnakkaflattur, er slógið tekið þeim megin úr fiskinum og skorið gat á milli þunnilda. Fiskurinn
hengdur í þetta gat upp á slá, með jöfnu millibili, þannig að þeir snerti ekki hver annan. Þannig þurrkaður
fiskur harðnar fljótast og er hann kallaður ráþurrkaður fiskur.
Venjulegast er að fiskurinn sé skorinn á kvið, innvolsið og hausinn tekinn af honum og hann flattur þannig. Bezt er að þurrka þann fisk á möl eða steinum. Freðfiskur er harðfiskur nefndur, þegar fiskurinn frýs áður en hann harðnar að mun. (Úr bókinni "160 Fiskréttir" eftir Helgu Sigurðardóttur) |
