Til baka

Napóleonskökur:

Smjördeig hindberjamauk eggjabráð nr.II flórsykur og vatn þeyttur rjómi

Smjördeigið flatt út fremur þunnt, og skorið í lengjur ca. sex cm. breiðar. Látnar á plötu. Pikkaðar. Bakaðar. Kældar. Ein lengjan er smurð eggjabráð, þá hindberjamauki. Þá er önnur lengja lögð yfir. Flórsykurinn hrærður út í vatni og smurður ofan á. Látið bíða í tvær til þrjár klukkustundir. Skorið í nærri ferhyrnt stykki, sem þeyttum rjóma er sprautað utan og ofan á til skrauts. Aths. ömmu: Smjördeigið má vitanlega kaupa úti í búð í stað þess að búa það til. (Úr bókinni "Bökun i heimahúsum" eftir Helgu Sigurðardóttur)