Til baka

Saxað buff:

625 gr. 1 matsk. 75 gr. 1 1/4 l. 1 tesk. 1/2 kg.

kjöt hveiti Salt og Pipar smjörlíki stór laukur kjötsoð hveiti, vatn Sósulitur soðin jarðepli (kartöflur)

Bezt er að nota nautakjöt, en einnig má nota hvaða nýtt kjöt sem er. Kjötið er þvegið með heitum klút og allar sinar og bein skorin í burtu. Bein og sinar soðnar í saltvatni. Kjötið saxað einu sinni í söxunarvél, því skipt í 8-10 jafnstóra bita, sem rúllaðir eru með deigum höndum í hnöttóttar kúlur, sem lagðar eru á disk. Kjötkúlurnar síðan barðar á bretti með borðhníf langsum og þversum báðum megin í flatar kökur, sem aftur eru lagðar á diskinn, og salti og pipar stráð yfir. Laukurinn er flysjaður og skorinn í sneiðar. Smjörlíkið brúnað á pönnu og laukurinn þar í, síðan látinn á disk. Þá er kjötkökunum snúið upp úr hveitinu og látnar jafnóðum á pönnuna. Þegar hveitið er byrjað að digna á efri hliðinni, er þeim snúið við. Steiktar brúnar báðum megin og steiktar þar á eftir í 6 mínútur við hægan eld. Raðað á fat og laukurinn settur yfir. Þá er kjötsoðið síað og sett á pönnuna. Hveiti hrært út í köldu vatni. Þegar sýður á pönnunni, er hveitijafningurinn settur út í og hrært í, þar til sýður. Salt og pipar látið í eftir vild og sósulitur eftir þörf. Hellt yfir buffið, og soðnum jarðeplum raðað utan um þau. Bezt er, að jarðeplin séu flysjuð áður en þau eru soðin. (Úr bókinni "Lærið að matbúa" eftir Helgu Sigurðardóttur)