|
|
| Að sjóða nýtt kjöt: |
|
1. Sé nýtt kjöt látið í sjóðandi vatn, mun hitinn, sem er 100° C., hleypa saman eggjahvítuefninu
yzt á kjötbitanum, svo að þar myndast þétt skorpa, svo að minna af kjötsafanum sígur út í soðið.
2. Sé nýtt kjöt látið í kalt vatn, myndast ekki eggjahvítuskorpan og kjötsafinn sýðst meira út í vatnið. 3. Hvort sem kjötið er látið í heitt eða kalt vatn, mun ætíð dálítið af kjötsafanum, sem í er eggjahvítuefni, sjóðast út í vatnið. Það myndar froðu ofan á, sem hefir þann eiginleika, að draga til sín óhreinindi, sem eru í kjötsoðinu. Sé froðan ekki vel veidd ofan af með gataspaða, verður soðið gruggað. Þess tærara verður soðið, því betur sem froðan er veidd ofan af. 4. Bezt er að sjóða kjöt við hægan eld og hafa hlemm yfir pottinum. 5. Kjötið er soðið, þegar það er orðið grátt í gegn. Sé það ekki nógu vel soðið, er það seigt. Kjöt er ljúffengt og auðmeltara, þegar það er rétt matbúið og skorið þversum á kjötþræðina. (Úr bókinni "Lærið að matbúa" eftir Helgu Sigurðardóttur) |
