|
|
| Súr roð: |
|
Öll roð, ugga og sporða má hagnýta, sé það súrsað. Hér er átt við flestar fisktegundir.
Roðin eru lögð í saltvatn um stund, skafin og þvegin vel upp úr köldu vatni. Hleypt upp á þeim suðu í örlitlu vatni, öllu hellt í skál, sem skoluð er áður úr köldu vatni, bíði til næsta dags, þá er það hlaupið, hvolft úr skálinni og látið í góða sýru. Einnig má sleppa að sjóða roðin. Eru þau þá hreinsuð eins og áður er sagt, en þá eru þau sýrð í súrum áfum, eða látin í lögum ofan í frekar þunnt skyr. Þegar roðin eru súr, eru þau orðin mjúk og þykk. (Úr bókinni "160 Fiskréttir" eftir Helgu Sigurðardóttur) |
