Meistaramót Taflfélagins Hellis 2000

Þönglabakka 1, Mjódd, efsta hæð

Sími: 557 8200; Fax: 557 8220

Heimasíða: http://www.simnet.is/hellir

Meistaramót Hellis 2000

14. febrúar-1. mars 2000

Fréttir:

1. mars 2000. Sævar Bjarnason vann öruggan sigur á mótinu. Sævar vann allar skákirnar sjö! Næstur kom Davíð Kjartansson með 5½ og varð hann því skákmeistari Hellis árið 2000. Í 3.-6. sæti urðu Sigurbjörn Björnsson, Pétur Atli Lárusson, Björn Þorfinnsson og Baldur Möller með 5 vinninga. Neðar á síðunni má finna úrslit, röðun, skákir, mótstöflu og myndir.

28. febrúar 2000. Sjötta umferð var tefld í kvöld. Sævar Bjarnason heldur áfram sigurgöngunni og sigraði nú Róbert Harðarson og leiðir mótið með fullu húsi. Sigurbjörn Björnsson sigraði Pétur Atla Lárusson og varð það hans fimmti sigur í jafnmörgum skákum. Sigurbjörn er því í 2. sæti með 5 vinninga. Sævar og Sigurbjörn tefla saman í lokaumferðinni. Þriðji er Davíð Kjartansson með 4½ vinning eftir jafntefli við Jón Árna Halldórsson. Davíð stendur því best að vígi í baráttunni um meistaratitil Hellis. Næstir Hellisbúa koma Björn Þorfinnsson og Vigfús Ó. Vigfússon með 3 vinninga en þeir eiga báðir frestaðar skák til góða. Það er því allt enn opið í baráttunni um titilinn.

23. febrúar 2000. Fimmta umferð var tefld í kvöld. Sævar Bjarnason sigraði enn, nú Davíð Kjartansson og leiðir mótið með fullu hús. Næstir koma Davíð Kjartansson, Pétur Atli Lárusson sem vann Þorvarð F. Ólafsson, Róbert Harðarson sem vann Vigfús Ó. Vigfússon og Sigurbjörn Björnsson sem vann Jón Árna Halldórsson með 4 vinninga. Sævar mætir Róberti í 6. og næstsíðustu umferð sem tefld verður á mánudag. Sigurbjörn mætir Pétri Atla og Davíð mætir Jóni Árna Halldórssyni. Óvæntustu úrslit umferðarinnar var sigur Páls Sigurðssonar á Guðjóni Heiðari Valgarðssyni en Páll er tæpum 600 stigum lægri. Hægt er að finna röðun á 10 efstu borðunum en lokaröðun liggur ekki fyrir en á sunnudag en þá verður tefld frestuð skák Hjörts Ingva Jóhannssonar og Halldórs Heiðars Hallssonar. Neðar á síðunni má finna úrslit, röðun, skákir, mótstöflu og myndir.

21. febrúar 2000. Fjórða umferð fór fram í kvöld. Sævar Bjarnason sigraði Jón Árna Halldórsson og Davíð Kjartansson sigraði Björn Þorfinnsson. Sævar og Davíð eru nú efstir og jafnir með fullt hús. Næstir koma Jón Árni Halldórsson, Pétur Atli Lárusson, Vigfús Ó. Vigfússon, Róbert Harðarson og Sigurbjörn Björnsson með 3 vinninga. Neðar á síðunni má finna úrslit, röðun, skákir, mótstöflu og myndir.

20. febrúar 2000. Sævar Bjarnason sigraði Pétur Atla Lárusson í frestaðri skák. Nú leiða Sævar Bjarnason, Jón Árni Halldórsson og Davíð Kjartansson með fullt hús eftir 3 umferðir. Sævar mætir Jóni Árni í 4. umferð. Davíð mætir Birni Þorfinnssyni sem hefur tvo vinninga í skák sem getur haft mikil áhrif á það hver verði skákmeistari Hellis 2000. Neðar á síðunni má finna úrslit, röðun, skákir, mótstöflu og myndir.

18. febrúar 2000. Þrjár frestaðar voru tefldar í kvöld. Davíð Kjartansson sigraði Jóhann H. Ragnsson og leiðir nú mótið ásamt Jóni Árna Halldórsson með fullt hús eftir þrjár umferðir. Enn er ótefld skák Sævars Bjarnasonar og Péturs Atla Lárussonar sem báðir höfðu 2 vinninga eftir 2 umferðir. Neðar á síðunni má finna úrslit, röðun, skákir, mótstöflu og myndir.

17. febrúar 2000. Í kvöld fór fram 3. umferð. Að þessu sinni var lítið um óvænt úrslit. Auk þess var skákunum á tveimur efstu borðunum frestað. Sem stendur er Jón Árni Halldórsson sem sigraði Vigfús Ó. Vigfússon einn efstur eftir þrjár umferðir með fullt hús en líklega bætast fleiri í þann hóp að loknum frestuðum skákum. Neðar á síðunni má finna úrslit, röðun, skákir, mótstöflu og myndir.

16. febrúar 2000. Í kvöld fór fram 2. umferð. Enn urðu óvænt úrslit. Stigahæsti keppandi mótsins, Róbert Harðarson tapaði fyrir Jóhanni H. Ragnarssyni. Björn Þorfinnsson tapaði fyrir Vigfúsi Ó. Vigfússyni. Önnur úrslit á efstu borðunum urðu sem hér segir: Sævar Bjarnason sigraði Stefán Arnalds, Davíð Kjartansson sigraði Jónas Jónasson, Jón Árni Halldórsson sigraði Ólaf Ísberg Hannesson og Pétur Atli Lárusson sigraði Kristján Örn Elíasson. Jón Árni Halldórsson, Davíð Kjartansson, Vigfús Ó. Vigfússon, Sævar Bjarnason, Jóhann H. Ragnarsson og Pétur Atli Lárusson eru því með fullt hús eftir tvær umferðir. Neðar á síðunni má finna úrslit, röðun, skákir, mótstöflu og myndir.

15. febrúar 2000. Í kvöld voru tefldar frestaðar skákir. Alls bættust við 6 keppendur og eru því keppendur alls 28 sem er metþátttaka á Meistaramóti Hellis. Stigahæstur hinna nýju keppenda er Sigurbjörn Björnsson sem hefur reyndað sigrað á tveimur síðustu Meistaramótum Hellis. Sigurbjörn er jafnframt þriðji stigahæsti keppandi mótsins. Í þeim þremur skákum sem tefld voru í kvöld urðu tvenn óvænt úrslit. Sigurbjörn Björnsson tapaði fyrir Jónasi Jónassyni og Guðjón Heiðar Valgarðsson tapaði fyrir Kristjáni Örn Elíassyni. Öll önnur úrslit 1. umferðar urðu eftir bókinni, þ.e. hinn stigahærri sigraði þann stigalægri. Neðar á síðunni má finna úrslit, röðun, skákir, mótstöflu og myndir.

14. febrúar 2000. Mótið hófst í kvöld. Alls hófu 22 keppendur þátttöku og einhverjir munu bætast við á morgun. Enn er tækifæri fyrir þá sem vilja að taka þátt í mótinu. Hægt er að skrá sig með tölvupósti til Hellis eða hafa samband við Gunnar Björnsson í síma 861 9416. Stigahæstur keppenda er Róbert Harðarson. Næst stigahæstur er alþjóðlegi meistarinn, Sævar Bjarnason. Hellisbúarnir Björn Þorfinnsson og Davíð Kjartansson koma þar næstir og verða að teljast líklegastir til að berjast um titilinn, skákmeistari Hellis 2000 en Björn hefur einmitt borið þann titil undanfarin þrjú ár og reyndar oftast allra. Teflt er eftir svissneska kerfinu og urðu öll úrslit eftir bókinni í 1. umferð, þ.e. hinn stigahærri sigraði ávallt. Heimasíða Hellis mun fylgjast með mótinu og birta úrslit, pörun, mótstöflu og skákir hvers umferðar. Einnig verður að finna myndir frá mótinu og birtast nú fjórar myndir úr 1. umferð.

Úrslit, röðun og mótstafla:

· 1. umferð

· 2. umferð

· 3. umferð

· 4. umferð

· 5. umferð

· 6. umferð

· 7. umferð

Mótstaflan

Skákstjórar eru Gunnar Björnsson, Þorfinnur Björnsson, Daði Örn Jónsson og Sveinn Rúnar Eiríksson. Eyjólfur Ármannsson sér um innsláttur á skákum.

Skákir:

· 1. umferð

· 2. umferð

· 3. umferð

· 4. umferð

· 5. umferð

· 6. umferð

· 7. umferð

· Allar skákirnar

Það er enginn annar en Eyjólfur Ármannsson sem sér um innsláttur á skákum. Takk Eyjólfur!!

Myndir frá 1. umferð:

· Björn Þorfinnsson hóf titilvörnina með sigri á Sveinbirni Jónssyni.

· Róbert Harðarson sigraði Ingólf Gíslason á 1. borði.

· Sævar Bjarnason sigraði Sigurð Ingason.

· Davíð Kjartansson sigraði Andrés Kolbeinsson.

Meistaramót Hellis 2000 hefst mánudaginn 14. febrúar klukkan 19:30. Mótið verður 7 umferða opið kappskákmót. Þetta er í 9. sinn sem mótið fer fram, en núverandi skákmeistari Hellis er Björn Þorfinnsson. Sjá umferðartöflu neðar á síðunni.

Mótið er að þessu sinni hluti af Bikarkeppninni í skák sem Taflfélag Garðabæjar , Taflfélag Kópavogs, Taflfélag Reykjavíkur, Taflfélagið Hellir, Skákfélag Grandrokk og Skákfélag Hafnarfjarðar standa nú að í annað sinni. Heildarverðlaun í Bikarkeppninni í skák eru kr. 150.000! Allir félagar í viðkomandi félögum greiða þátttökugjöld í samræmi við félagsmenn Hellis. Sama fyrirkomulag mun svo gilda í mótum hinna félaganna.

Umhugsunartíminn verður 1½ klst. á 36 leiki og 30 mínútur til að ljúka skákinni. Mótið er öllum opið.

Umferðir hefjast alltaf klukkan 19:30.

Hliðrað verður sérstaklega til fyrir keppendur á Norðurlandamótinu í skólaskák sem haldið verður í Finnlandi 24.-27. febrúar 2000 til að gefa þeim tækifæri til að taka þátt.

Fréttir af mótinu munu birtast reglulega á heimasíðu Hellis. Úrslit, pörun og skákir.

Allir velkomnir!

Mótsstaður	Hellisheimilið, Þönglabakka 1, Mjódd
Skráning	Taflfélagið Hellir, hellir@simnet.is Gunnar Björnsson, símar: 581 2552 & 861 9416
Tímasetning	Mótið hefst mánudaginn 14. febrúar kl. 19:30
Þátttökuréttur	Mótið er opið öllum skákmönnum
Frestur v/þátttöku	Þátttakendur eru hvattir til að skrá sig sem fyrst
Þátttökugjald			Yngri en 16 ára		16 ára og eldri
	Félgar í Helli, Grand, TG, TK, TR og SH.		kr. 1.300		kr. 2.000
	Aðrir		kr. 2.000		kr. 3.000
Fjöldi umferða	7
Tímamörk	1½ klst. á 36 leiki og svo 30 mínútur til að ljúka skákinni, fyrir hvorn keppanda
Fyrirkomulag	Svissneskt kerfi
Verðlaun		1. verðlaun		kr. 20.000,-
		2. verðlaun		kr. 12.000,-
		3. verðlaun		kr. 8.000,-

Umferðatafla

1. umferð	mánudagur 14. febrúar	klukkan 19:30
2. umferð	miðvikudagur 16. febrúar	klukkan 19:30
3. umferð	fimmtudagur 17. febrúar	klukkan 19:30
4. umferð	mánudagur 21. febrúar	klukkan 19:30
5. umferð	miðvikudagur 23. febrúar	klukkan 19:30
6. umferð	mánudagur 28. febrúar	klukkan 19:30
7. umferð	miðvikudagur 1. mars	klukkan 19:30

Hliðrað verður sérstaklega til fyrir keppendur á Norðurlandamótinu í skólaskák sem haldið verður í Finnlandi 24.-27. febrúar 2000.

Skákmeistarar Hellis frá upphafi:

Ár	Meistari	Fjöldi
1992	Andri Áss Grétarsson	20
1993	Þröstur Þórhallsson	14
1994	Þröstur Þórhallsson	23
1995	Snorri Guðjón Bergsson	24
1996	Andri Áss Grétarsson	20
1997	Björn Þorfinnsson	22
1998	Björn Þorfinnsson	20
1999	Björn Þorfinnsson	27
2000	Davíð Kjartansson	28

Taflfélagið Hellir (hellir@simnet.is)
Heimasíða Hellis (www.simnet.is/hellir)