Deildakeppni S.Í. 1999-2000

Reykjavík

8.-10. október 1999 og 24.-25. mars 2000

Öll úrslit í einstökum viðureignum fyrri hlutans má finna á heimasíðu Skákarans

Þátttaka Hellis í Deildakeppni S.Í. í stuttu máli frá stofnun félagins.

Komin umfjöllum um deildakeppnina í ár.

Það var Eyjólfur Ármannsson sem sló þessar skákir inn. Takk Eyjólfur!

26. mars 2000. Deildakeppninni lauk í gær með tveimur síðustu umferðunum. Í 6. umferð bar það til tíðinda að Hellir náði forystunni með sigri á b-liði T.R. 6½-1½. Á sama tíma vann a-lið T.R. Akureyringa með minnsta mun. Hellir hafði því allt í einu ½ vinnings forystu fyrir síðustu umferð. Hellismenn klikkuðu ekki í síðustu umferð og völtuðu yfir fremur veikt lið Garðbæinga 8-0. T.R. sigraði svo Bolvíkinga 7-1. Hellir sigraði því í keppninni með 42 vinningum en T.R. varð í 2. sæti með 40½ vinning. S.A. varð í 3. sæti 33 vinninga. B-sveit Hellis náði svo óvænt 4. sætinu með 24½ vinning, hálfum vinningi fyrir ofan Hafnfirðinga.

Sigur Hellis í Deildakeppninni varð mjög óvæntur í ár þar sem T.R. hafði tveggja vinninga forystu fyrir seinni hlutann. Auk þess vantaði bæði Jón L. Árnason og Karl Þorsteins í lið Hellis í seinni hlutanum. Þetta er annar sigur Hellis í Deildakeppninni og hefur félagið því sigraði í keppninni næst oftast allra félaga eða tvisvar! Bolvíkingar urðu neðstir og féllu í 2. deild.

Með a-liði Hellis tefldu:

Nr.	Keppandi	Vi.	Sk	%
1	Hannes Hlífar Stefánsson	5½	7	79%
2	Helgi Áss Grétarsson	6	7	86%
3	Jón L. Árnason	2	2	100%
4	Helgi Ólafsson	5½	7	79%
5	Karl Þorsteins	3	3	100%
6	Ingvar Ásmundsson	0	1	0%
7	Björn Þorfinnsson	4½	7	64%
8	Davíð Kjartansson	3½	7	50%
9	Bragi Halldórsson	3	4	75%
10	Jóhannes Gísli Jónsson	3	3	100%
11	Kristján Eðvarsson	5	7	71%
12	Davíð Ólafsson	1	1	100%
	Samtals:	42	56	75%

Taflfélag Kópavogs vann nauman í 2. deild eftir harða baráttu við Taflfélag Akraness og teflir því í 1. deild að ári.
Skákfélag Grandrokk sigraði með yfirburðum í 3. deild.
B-sveit Grandrokk sigraði í 4. deild.

24. mars 2000. 5. umferð fór fram í dag. Mikið var óvænt úrslit í Íslandsflugsdeildinni. Bæði T.G. og S.H. náðu góðum úrslitum gegn Reykjavíkurrisunum. Einnig vekur sigur b-liðs Hellis á S.A. athygli. Fátt getur bjargað Bolvíkingum frá falli eftir stórtap gegn b-liði T.R. T.R. hefur nú 1½ vinnings á forskot á Helli þegar aðeins tveimur umferðum er ólokið.

Úrslit 5. umferðar:

S.A.	Hellir-b	3-5
T.G.	T.R.-a	4-4
S.H.	Hellir-a	3½-4½
U.M.F.B.	T.R.-b	1½-6½

Í 2. deild leiðir T.K. með 18½ vinning. C-sveit Hellis er í 2. sæti með 17½ vinning.

Í 3. deild hefur Grandrokk algjöra yfirburði.

Í 4. deild leiðir d-sveit S.A.

Taflfélagið Hellir (hellir@simnet.is)
Heimasíða Hellis (www.simnet.is/hellir)