Netfang: hellir@simnet.is

Heimasíða: http://www.simnet.is/hellir

(15. júlí 1999) Skákfélag Hafnarfjarðar sigraði Taflfélag Reykjavíkur í úrslitaviðureigninni með minnsta mun, 36½ vinningum gegn 35½ vinningum. Þetta er í fyrsta sem Skákfélag Hafnarfjarðar sigrar í keppninni og ekki nóg með það, heldur í fyrsta sinn sem Skákfélagið kemst upp úr 8 liða úrslitum.

Einnig er þetta í fyrsta sinn Reykjavíkurfélögin T.R. og Hellir sigra ekki í keppninni og meira en það því félögin hafa aldrei fyrr tapað fyrir öðrum liðum en hvoru öðru.

S.H. byrjaði betur í viðureignni og náði 3 vinninga forskoti eftir 2 umferðir. T.R.-ingar jöfnuðu í 4. umferð og voru komnir með ágætis forskot í hálfleik, 20-16. Munurinn hélst svo svipaður þar til í næst síðustu umferð því þá sigruðu heimamenn 5-1 og náðu eins vinnings forskoti. Lokaviðureignin fór 3-3 og því sigruðu heimamenn með minnsta mun. Ásgeir P. Ásbjörnsson náði bestum árangri Hafnfirðinga fékk 8½ vinning. Bestum árangri T.R.-inga náði Arnar Gunnarsson með 9 vinninga.

Árangur einstakra liðsmanna var eftirfarandi:

Taflfélag Reykjavíkur:

 8 liða úrslit:

(11. júlí 1999) Úrslitaviðureign Skákfélags Hafnarfjarðar og Taflfélags Reykjavíkur fer fram í félagsheimili S.H. fimmtudaginn 15. júlí og hefst kl. 20.00.

(26. júní 1999) Viðureign Skákfélags Hafnarfjarðar og Taflfélags Garðabæjar fór fram 22. júní 1999 í Garðaskóla og sigraði Skákfélag Hafnarfjarðar 46½-25½. Bestum árangri Hafnfirðinga náði Ágúst Sindri Karlsson með 9½ vinning. Bestum árangri heimamanna náði Sævar Bjarnsson, fékk 9 vinninga. Nánari upplýsingar um keppninna má finna á heimasíðu T.G.

Árangur einstakra liðsmanna var eftirfarandi:

Taflfélag Garðabæjar:

(24. júní 1999) Taflfélag Reykjavíkur sigraði Taflfélagið Helli í spennandi viðureign sem fram fór í kvöld í Hellisheimilinu. Keppnin var hnífjöfn til að byrja með en T.R-ingar sigu yfir og höfðu yfir í hálfleik 20-16. Hellir náði jafna eftir 8 umferðir en T.R. seig aftur yfir og hafði 6 vinninga forystu fyrir síðustu umferð. T.R. þurfti því aðeins ½ vinning í síðustu umferð. T.R. fékk tvo og sigraði 38-34. Margeir Pétursson stóð sig best T.R.-inga, fékk 8½ vinning. Helgi Ólafsson stóð sig best Hellismanna fékk 10 vinninga. Þetta er fimmta sinn á fimm árum sem Hellir og T.R. mætast og hafa félögin sigrað til skiptist. Það verða því Skákfélag Hafnarfjarðar og Taflfélag Reykjavíkur sem tefla til úrslita. Viðureignin fer fram á heimavelli S.H. Dagsetning hefur ekki verið ákveðin. Heimasíðu Hellis hafa enn ekki borist einstök úrslit í viðureign T.G. og S.H.

Árangur skákmannanna í viðureigninni varð sem hér segir.

Taflfélag Reykjavíkur:

Taflfélagið Hellir:

(23. júní 1999) Skákfélag Hafnarfjarðar sigraði Taflfélag Garðabæjar örugglega í Garðaskóla í gærkveldi. Úrsltin urðu 46½-25½. Nánari upplýsingar um einstök úrslit hafa ekki enn borist. Viðureign Taflfélagins Hellis og Taflfélags Reykjavíkur fer fram fimmtudaginn 24. júní kl. 20:00 í Hellisheimilinu. Áhorfendur velkomnir!

(20. júní 1999) Nú liggja fyrir öll úrslit í 8 liða úrslitum og jafnframt hverjir tefla saman í undanúrslitum. Nánari upplýsingar um einstakar viðureignir má finna neðar á síðunni. Undanúrslitum á að vera lokið í s.l. 25. júní n.k.

(20. júní 1999) Taflfélag Reykjavíkur vann öruggan sigur á Taflfélag Kópavogs í lokaviðureign 8 liða úrslita í kvöld. Viðureignin fór fram í félagsheimili T.R. Úrslitin urðu 48½-23½. Jón Viktor Gunnarsson stóð sig best T.R.-manna. Vann allar 12 skákirnar! Bestum árangri T.K.-manna náði Einar Hjalti Jensson. Hann fékk 8½ vinning. Annars varð árangur skákmannanna sem hér segir:

Taflfélag Reykjavíkur:

Taflfélag Kópavogs:

(17. júní 1999) Skákfélag Hafnarfjarðar vann öruggan sigur á Taflfélagi Akranesi þann 15. júní. Nú er aðeins einni viðureign 8 liða úrslita ólokið en það er viðureign T.R. og T.K. Mun hún fara fram sunnudaginn 20. júní kl. 20:00 í félagsheimili T.R. Lokaúrslit í viðureign S.H. og T.A. urðu 54-18. Páll Agnar Þórarinsson fékk flesta vinninga Hafnfirðinga eða 10½ vinning 12 skákum. Ágúst Sindri Karlsson næði hins vegar besta prósentuhlutfalli. Fékk 8 vinninga af 8 mögulegum. Bestum árangri Akurnesinga náði Magnús Magnússon, fékk 5½ vinning úr 12 skákum. Annars varð árangur skákmannanna sem hér segir:

(14. júní 1999) Taflfélagið Hellir vann öruggan sigur á Skákfélagi Grandrokk í kvöld. Fyrsta viðureignin fór 3-3 en síðan vann Hellir 5-1 og bætti forskot sitt jafnt og þétt. Í hálfleik var staðan 24-12. Lokaúrslit urðu svo 46-26. Bestum árangri Hellisbúa náði Ingvar Ásmundsson. Bestum árangri Grandara náði Tómas Björnsson. Báðir fengu 9 vinninga. Annars varð árangur skákmannanna sem hér segir:

Taflfélagið Hellir:

(13. júní 1999) Skákfélag Selfoss og nágrennis dró sig til baka í keppninni í dag vegna þess að ekki gekk að ná saman liði. Mun Skákfélag Grandrokk koma inn fyrir þá í staðinn. Það verða því Taflfélagið Hellir og Skákfélag Grandrokk sem mætast í Hellisheimilinu mánudaginn 14. júní kl. 20.00.

(11. júní 1999) Taflfélag Garðabæjar er komið í undanúrslit þar sem Taflfélag Reykjanesbæjar gaf umferðina vegna þess að þeir náðu ekki saman liði. Viðureign Hellis og Selfoss fer fram í Hellisheimilinu 14. júní kl. 20.00. Umsjónarmanni er ekki kunnugt um hvenær aðrar viðureignir 8 liða úrslita fara fram en þeim á að vera lokið í s.l. 15. júní n.k.

(4. júní 1999) Taflfélagið Hellir stendur nú fyrir í fimmta skipti fyrir hraðskákkeppni taflfélaga á suðvesturlandi. Sem fyrr taka 8 lið þátt. Hafa sömu félög tekið þátt frá byrjun. Keppni þessi er mjög vinsæl meðal félagana. T.d. var það haft á orði við umsjónarmann síðunnar af einum liðsstjóranum "að þetta væri skemmtilegasta keppni hvers árs"

Nú er búið að draga saman í 8 liða úrslit og er röðun sem hér segir (fyrra liðið á heimavelli). 8 liða úrslitum skal lokið í s.l. þann 15. júní n.k. Hægt verður að fylgjast með keppninni hér á síðunni.

Yfirdómari keppninnar er Ólafur S. Ásgrímsson alþjóðlegur skákdómari. Hann sér jafnframt að draga liðin saman fyrir hverja umferð. 

• Hraðskákkeppni taflfélaga á suðvesturlandi 1998
• Hraðskákkeppni taflfélaga á suðvesturlandi 1996
• Hraðskákkeppni taflfélaga á suðvesturlandi 1995

Taflfélagið Hellir (hellir@simnet.is)
Heimasíða Hellis (www.simnet.is/hellir)