AÐALSÍÐA --- ÍSLAND 2000 --- MYNDIR--- NIÐURHLÖÐUN --- RAMPURINN --- SLÓÐIR --- HJÁLP

Hjálp

Yfirfærsla úr FS2000 yfir í FS2002

Eftirfarandi leiðbeiningar hafa verði gerðar svo menn geti uppfært ÍSLAND 2000 fyrir FS2002:

INNSETNING
Venjulegt innsetningarferli er sett af stað eins og þegar ÍSLAND 2000 var sett upp fyrir FS2000.  Hér er því lýst hvað þarf að gera þegar eftirfarandi spurningar/óskir koma í innsetningarferlinu:
------------------------------------------------------------------------------
SPURNING:  Enginn Flight Simulator 2000 virðist vera á þessari tölvu, viltu halda áfram?
Yes/No
LAUSN: Hér skal valið Yes.
------------------------------------------------------------------------------
ÓSK:  Veldu þá möppu sem Flight Simulator 2000 er í.
LAUSN:  Hér skal valinn Flight Simulator 2002 mappan í stað Flight Simulator 2000 möppunnar.

EFTIR INNSETNINGU

Hægt er að sækja forrit hér sem lagfærir flugþrautirnar eftir innsetningarferlið. <SÆKJA>  Ef menn vilja gera þetta sjálfir er hægt að fylgja eftirfarandi leiðbeiningum:  

Til þess að fá flugþrautirnar til þess að virka verður að færa möppuna "pilots" sem er í "FS2002" möppunni yfir í "flights" möppuna á sama stað.  Einnig væri gott að endurskýra möppuna t.d. "Island".

þ.e. "/Microsoft Games/FS2002/pilots" yfir í "/Microsoft Games/FS2002/flights/pilots"

Hvernig má auka hraðann enn meira

Hjá Microsoft er að finna síðu sem með ráðum til að auka hraðan.  Það sem kom mest á óvart var að breyta hljóð stillingunum í FS2000.cfg skránni. Við það jókst uppfærslu hraðinn á skjánum um 5-10 ramma á sekúndu.
Aðrar stillingar eins og að breyta því hversu langt maður sér (visibility) hefur mikil áhrif á uppfærslu hraðan, ótakmarkað útsýni dregur verulega úr hraðanum.  Þessar stillingar eru að finna í World->Weather.
Skjá upplausnin hefur einnig mikið að segja, lægri upplausn meiri hraði (Stillt í Options->Setting->Display->Resolution).
Fleiri ábendingar um hvernig auka megi hraða enn meira eru vel þegnar! Sendið endilega póst á icesim@simnet.is með ykkar ráðleggingum.

Hvernig má auka hraðann

Einhverjir hafa verið ekki verið sáttir við hraðann á Flight Simulator eftir að hafa sett viðbótina inn. Hún var prófuð á mörgum vélum án vandræða og niðurstaðan var sú að ef það væri hægt að keyra FS2000 á annað borð þá væri hægt að nota landslagið.  Eftirfarandi atriði er vert að skoða í þessu samhengi:

  1. Slökktu á öllum forritum sem Flight Simulator þarf ekki að nota.
    Það eru mörg forrit sem eru í gangi í bakgrunni og gagnast FS2000 á engan hátt. Þessi forrit taka vinnsluminni og reiknigetu frá örgjörva og hægja þannig á vinnslunni. Þú getur séð þessi forrit í "System Tray" en hann er hliðiná klukkunni, neðst til hægri á skjánum.

  2. Feldu eða losaðu þig við allar auka flugvélar.
    Ef þú ert með viðbótarflugvélar skaltu færa þær á stað þar sem FS2000 "sér" þær ekki eða losa þig við þær (eyða þeim). Það er þekkt vandamál að mikið af aukavélum hægir á vinnslunni.

Ef þessi atriði bæta ekki vinnsluna samkvæmt þínum kröfum gæti verið gott að bæta vélbúnaðinn. Aukið innra minni er tiltölulega ódýr fjárfesting en bætir alla vinnslu umtalsvert.

Þá stendur til að gefa út uppfærslu fyrir vélar sem ráða ekki við viðbótina og eru notendur beðnir um að senda póst á icesim@simnet.is og biðja um þessa uppfærslu. Ef menn eru ekki skráðir verða þeir að senda raðnúmerið sem fylgir pakkanum með í póstinum.

Ef þú ert með einhverjar spurningar hikaðu ekki við að hafa samband við okkur með tölvupósti.

Uppsetning

  1. Keyrðu upp Windows
  2. Settu Ísland 2000 í geisladrif tölvunnar.
  3. Innsetning forritsins hefst sjálfkrafa. Ef ekki veldu þá Start hnappinn á stikunni og veldu RUN á valblaði. Sláðu in d:\startup.exe Þar sem d: er stafur geisladrifsins. Ef ekki þá verður þú að velja réttan staf þess. Veldu OK.
  4. Fylgdu leiðbeiningum sem birtast á skjánum. 

Notkun ÍSLANDS 2000 í Flight SimulatorTM 2000.

Þegar þú hefur sett upp Ísland 2000 í Flight SimulatorTM Getur þú gert annað af tvennu:

Valið einn af þeim 18 flugvöllum á Íslandi sem Flight Simulator 2000 býður upp á og hafið flugið þaðan. Þetta er gert með því að velja World > Go to Airport…Þar er hægt að velja Global region sem Europe, Country/Region sem Iceland og síðan velja flugvöll.

Valið flugþraut fyrir ÍSLAND 2000 í Flight SimulatorTM 2000 og tekist á við, að vera íslenskur flugmaður. Hér er gott að hafa landakort til hliðsjónar. Flugþrautir eru valdar með því að velja Flights > Select Flight… og síðan þrautina sjálfa. Allar flugþrautir fyrir ÍSLAND 2000 eru merktar með ISL fyrir framan nafn þrautanna.

Stillingar

Til þess að auka hraðann í í Flight SimulatorTM 2000 er hægt að stilla eftirfarandi atriði:

Í Options > Settings > Display er hægt að stilla skjástærðina undir <Hardware> flipanum.  Eftir því sem hún er stærri er erfiðara fyrir tölvuna að vinna.     Á sama stað undir flipanum <Image Quality> er hægt að ráða upplausninni á landslaginu. Rétt er að prófa sig áfram og finna þannig út hvaða stilling hentar best þinni tölvu.

Tillögur

Með því að slökkva á íslenska landslaginu sem er fyrir í Flight SimulatorTM 2000 gæti hraðinn batnað. Þetta er gert í World > Scenery Library. Þar er afhakað Iceland. Ath. við þessa breytingu detta upplýsingar frá Microsoft® út t.d. flugbrautir.

Hraðann má auka með því að hækka s.k. Cache Size í World > Scenery Library. Þess skal þó gæta að nægjanlegt diskapláss sé fyrir á tölvunni.

Skuggar af flugvélum og í landslagi auka reikniþörfina er bæta litlu við gæði landslagsins.

Úttekt

  1. Við úttekt Ísland 2000 skaltu tvísmella á My Computer og velja Control Panel. Smelltu á Add/Remove Programs, sem kallar upp Add/Remove Programs Properties valmyndina.
  2. Veldu Install/Uninstall flipann.
  3. Í glugganum finnur þú Ísland 2000 með rennistikunni.Sláðu á Add/Remove… hnappinn.
  4. Þú velur já þegar þú ert spurð(ur) hvort þú viljir taka Ísland 2000 úr tölvunni. Næst er boðið upp á að taka út Ísland sjálfvirkt eða sérstakt. Veldu sjálfvirkt og byrja. Þá hefst úttekt á Ísland 2000



icesim@simnet.is