Þannig má segja að þetta landslag Íslands 2000 sé 100-falt nákvæmara (10x10). Þessar upplýsingar eru útbúnar með því að vinna úr gögnum frá gervitunglum þar sem fleiri en ein mynd af sama landsvæðinu er notuð til þess að reikna út hæð þess og ná þau yfir ALLT landið.

...............

Flugleiðavél yfir Snæfellsnesi. Vélin var teiknuð af: Ólafi Erni Guðmundssyni

Skjámynd af gögnum sem landslagið er unnið uppúr. Myndin er af landsvæðinu norðan Hornafjarðar.

Svo nákvæm eru gögnin að það er hægt að nota þau við kortagerð. Þetta skapar áður óþekkt gæði í flughermum með íslensku landslagi. Nú er auðveldlega hægt að fljúga sjónflug um landið með gott landakort og þekkja út helstu staðhætti.

Þessu til viðbótar fylgja pakkanum 20 flugþrautir sem hafa verið unnar af íslenskum einka- og atvinnuflugmönnum og hafa verið settar upp í Ísland 2000 á hinum ýmsu stöðum á landinu. Þær gefa mönnum kost á að hefja flug í íslensku landslagi á ýmsum flugvélum með uppsett raunveruleg veðurskilyrði.  Hverri þraut fylgir lesning þar sem stungið er upp á flugleið eða þraut sem hægt er að framkvæma. Þrautirnar sýna á raunsæan hátt íslenskt landslag og veðurskilyrði og þar með þær aðstæður sem íslenskir flugmenn búa við.

Þá fylgja pakkanum 40 aðflugs-, lendingar- og blindflugskort frá Flugmálastjórn Íslands.

Viðbótin fæst í BT verslunum um allt land. http://www.bt.is