Guðfinna Guðlaugsdóttir, Marta E. Sigurðardóttir og Þórunn B. Sigurðardóttir hafa gefið út námsefni í tónheyrn sem ætlað er til kennslu í tónlistarskólum. Þær starfa allar sem tónfræðakennarar við Tónlistarskóla Kópavogs.

Námsefnið hefur verið kennt í mörgum tónlistarskólum með góðum árangri og er sniðið að nýrri námskrá í tónfræðagreinum. Það er heildstætt og spannar allt grunn- og miðnám í skriflegri og munnlegri tónheyrn.

Námsefnið samanstendur af tveimur kennaraheftum, vinnubók í skriflegri tónheyrn og sjö nemendaheftum í munnlegri tónheyrn.