Skýrsla starfsmanns fyrir árið 2005

Ég stikla á stóru síðasta ár, en Sigurvon bárust margar veglegar gjafir í janúar í formi styrkja frá ýmsum aðilum og fyrirtækjum

Í upphafi árs er gert upp vegna jólakortasölu og er sala síðustu jól, tvöföld miðað við fyrra ár og stefnir í aukningu næstu jól

Skrifstofa Sigurvonar var opin í vetur og fram í lok júní, en lokað var í júlí og ágúst

Síðasti aðalfundur félagsins var haldinn á Hótel Ísafirði miðvikudaginn 16. mars í fyrra, en kaffi og meðlæti var þá eins og nú í boði Sparisjóðs Vestfirðinga

Ný stjórn var kosin á aðalfundi:
Formaður: Sigurður Ólafsson, Seljalandsvegi 75, 400 Ísafirði  893 1753 bii@simnet.is
Gjaldkeri: Ólafía Aradóttir 864 6580 ritari@isafjordur.is
Ritari: Oddný Birgisdóttir  ob@ov.is
Meðstjórnandi: Auður H. Ólafsdóttir audur@fsi.is
Meðstjórnandi: Jóhanna Ása Einarsdóttir, 510 Hólmavík stebbij@simnet.is

Varamaður: Sigríður Ragnarsdóttir sigga-ti@snerpa.is

Varamaður: Heiðrún Björnsdóttir heidrunbjorns@simnet.is

Á aðalfundi var stofnaður sérstakur styrktarsjóður Styrktarsjóður Krabbameinsfélagsins Sigurvonar. Tilgangur og markmið sjóðsins er að styrkja og efla hverja þá starfsemi sem lýtur að málefnum krabbameinssjúklinga á starfssvæði Krabbameinsfélagsins Sigurvonar og auka lífsgæði þeirra.

Tilgangi og markmiðum sínum skal sjóðurinn m.a. ná með eftirfarandi hætti:

a). Styrkja með einum eða öðrum hætti við hvers konar fræðslustarfsemi sem

kemur krabbameinssjúklingum til góða.

b). Veita styrki til annarra verkefna samkv. ákvörðun sjóðsstjórnar í þágu

umönnunar, meðferðar og lækninga krabbameinssjúklinga og til að auka

lífsgæði þeirra.

Um styrk úr sjóðnum geta sótt allir félagsmenn í Sigurvon svo og þeir sem starfa með einum eða öðrum hætti að málefnum krabbameinssjúklinga.

Samverustundir hafa verið í boði síðasta ár og haldnar reglulega, 1. og 3. hvern fimmtudag hvers mánaðar. Tengiliður þessara stunda er og hefur verið Heiðrún Björnsdóttir og hefur hún unnið mjög óeigingjarnt starf í þágu félagsins. Mæting hefur verið mjög léleg og er í skoðun hvernig hægt er að breyta samveru til betri vegar.

Á tónleikunum sem haldnir voru í Íþróttahúsinu á Ísafirði hinn 27. ágúst s.l. til styrktar Sigurvon söfnuðust 442.059.00 kr. Skipuleggjandi var Gunnar Atli Gunnarsson, 16 ára Ísfirðingur, og voru þeir honum og öllum þeim sem komu að tónleikunum til mikilla sóma. Stjórn Sigurvonar vill koma þakklæti til allra þeirra sem að tónleikunum stóðu og gerðu þá svo eftirminnilega, allt það tónlistarfólk sem sótti okkur heim og heimamenn eiga miklar þakkir skilið og ekki síður þeir sem unnu við undirbúning að tónleikunum, en þess má geta að allir sem komu að tónleikunum gáfu sína vinnu og verður þessu fólki seint þakkað. Einnig ber að þakka öllum þeim fyrirtækjum sem styrktu tónleikana, þó ber sérstaklega að þakka Gunnari Atla og hans fjölskyldu fyrir stórkostlegt framtak og alla þá hlýju til Sigurvonar, en þetta er í þriðja sinn sem Gunnar heldur tónleika til styrktar Sigurvon. Fyrir tveimur árum söfnuðust um 60 þúsund krónur og var ágóðinn yfir 100 þúsund krónur í fyrra.

Í byrjun október var Safnahúsið á Ísafirði sveipað bleiku ljósi ásamt Hólmavíkurkirkju. Tilgangurinn með þessu var að minna á baráttuna gegn brjóstakrabbameini.

Sigurvon boðaði nokkrum sinnum til almenns fundar um blöðruhálskirtilskrabbamein á Hólmavík, en vegna veðurs, veikinda og aðstæðna var fundinum alltaf frestað. Til stendur að gera betur á nýju ári.

Hin árlega jólakortasala félagsins hófst í byrjun nóvember og seldust öll kortin upp ásamt smá lager frá fyrra ári. Prenta þurfti nýjan skammt og seldist meiri hlutinn af honum fyrir jól. Bæði voru prentuð kort með texta og án. Textalausu kortin verða í sölu allt árið, enda þannig hönnuð útlitslega að þau henta öllum tímum og tækifærum. Stærstu söluaðilar félagsins báðu okkur að vera fyrr á ferðinni næsta ár og stefnum við því á að byrja jólakortasölu í október 2006. Félagið gaf út tvö ný jólakort og myndirnar í ár málaði Reynir Traustason. Heita myndirnar “Síðdegissól í Skutulsfirði” og “Vetur og máni”. Tíu kort voru í pakka og var kortið selt á 100 kr., en pakkinn á 1000 kr.

Heimasíða félagsins hefur verið virk og uppfærð um leið og fréttir berast, einnig hefur vefur BB (Bæjarins Besta, bæjarblaðið) styrkt félagið mjög vel og auglýst starf þess og alla viðburði félaginu að kostnaðarlausu. Sambandsleysi var á skrifstofunni í júní og datt út bæði símasamband og tölvusamband. Samband komst á að nýju í maí. Heimasíðan lá niðri um tíma í haust og hefur staðið til að uppfæra hana og gera þannig að starfsmenn hvers félags geti sjálfir séð um uppfærslur. Ekkert hefur heyrst af þessum breytingum og er nú vísað í heimasíðu KÍ, sem því miður er ekki eins góð og sú síða sem fyrir var, enda koma hvergi fram linkar á styrktaraðila okkar, vitlausir opnunartímar, erfitt að finna upplýsingar o.fl. Heimasíðumál eru í skoðun

Tæpar tíu milljónir hafa safnast

Frá kynningarfundi þegar söfnunin hófst í september.

Tæpar 10 milljónir hafa safnast til kaupa á sneiðmyndatæki fyrir Fjórðungssjúkrahússins á Ísafirði og er vitað að fleiri framlög eru á leiðinni. Söfnunin er á lokasprettinum og hafa viðtökur Vestfirðinga farið fram úr björtustu vonum. Ýmis stór framlög hafa borist upp á síðkastið og má þar nefna 500 þúsund krónur frá Lionsklúbbi Ísafjarðar, 500 þúsund kr. frá Sparisjóði Bolungarvíkur og 500 þúsund frá Sparisjóði Vestfirðinga, 500 þúsund kr. frá KNH, 500 þúsund kr. frá Finnboga Jakobssyni í Bolungarvík, 500 þúsund kr. frá Vigni Jónssyni og Láru Helgadóttur, 500 þúsund kr. frá Guðmundi Guðmundssyni, 500 þúsund kr. frá Verkalýðsfélagi Vestfirðinga, 250.000 kr. frá 3X-Stáli og Rennex, 200 þúsund kr. frá Útgerðarfélaginu Ós, 300 þúsund kr. frá félagi járniðnaðarmanna, 230 þúsund kr. frá félagi íslenskra hjúkrunarfræðinga, 300 þúsund kr. frá FOSVest, 300 þúsund kr. frá kvenfélaginu Brautinni og 250 þúsund kr. frá krabbameinsfélaginu Sigurvon. Þá eru ótalin framlög ótalmargra einstaklinga, fyrirtækja, kvenfélaga, stofnana og sveitarfélaga sem nema samtals ríflega 2 milljónum króna og eru afar mikilvæg fyrir söfnunina.

Í október fékk Sigurvon nemendur 10 bekkjar GÍ til að ganga í hús og selja penna.

Selja penna og lyklakippur til styrktar Sigurvon

Krabbameinsfélagið Sigurvon stendur fyrir fjáröflun um helgina og nýtur við hana liðsinni nemenda 10. bekkja Grunnskólans á Ísafirði. Gengið verður í hús og mönnum boðið að kaupa penna og lyklakippur til styrktar félaginu. „Það má búast við krökkunum í hús í Ísafjarðarbæ, Súðavík og Bolungarvík um helgina. Hugmyndin er að salan hefjist seinni partinn á föstudag. Við vonum að fólk taki vel á móti sölubörnunum“, segir Sigurður Ólafsson, formaður Sigurvonar.

Í nóvember flutti Sigurvon í nýtt og mun betra húsnæði og er nú staðsett að

Suðurgötu 9, 2. hæð, Ísafirði.

Krabbameinsfélagið Sigurvon flytur

Krabbameinsfélagið Sigurvon á norðanverðum Vestfjörðum hefur verið flutt og er nú til húsa að Suðurgötu 9 á Ísafirði. „Þetta er mun betri aðstaða og við erum mjög ánægð með flutninginn“, segir Ingibjörg Snorradóttir Hagalín starfsmaður félagsins. Opnunartími skrifstofu félagsins og sími er enn sá sami. Skrifstofan er opin á þriðjudögum og miðvikudögum kl. 10.00–12.00 og á fimmtudögum kl. 11:00-13:00. Símanúmer skrifstofunnar er 456-5650.

Hólmvíkingar eru nú formlega gengnir til liðs við krabbameinsfélagið Sigurvon og eiga fulltrúa í stjórn ásamt því að selja ýmsan varning á Hólmavík til styrktar félaginu, svo sem jólakort, penna og minningarkort.

Samráðsfundir eru haldnir þrisvar á ári innan Krabbameinsfélags Íslands og sótti ég einn slíkan nú í janúar og var mjög gaman og fróðlegt að hitta allt það fólk sem maður er annars í tölvusambandi við eða símasambandi. Næsti samráðsfundur var í maí n.k. og sá þriðji í nóvember. Þessir fundir eru nauðsynlegir til að stilla saman strengi og sjá hvað aðrir eru að gera og vinna og hvernig í sömu málum

Stjórnarfundir eru haldnir mánaðarlega og oftar ef þörf þykir og eru þeir allir ritaðir í dag til upplýsinga fyrir þá er á eftir koma og eru fundargerðir sendar öllum stjórnarmönnum

Félagið ætlar að halda fundi bæði á Ísafirði og á Hólmavík á næstu mánuðum og eru hugmyndir að fá 2 fyrirlesara á fundina, annan sem færi yfir félagsleg réttindi og annan sem fjalla myndi um Læknaskop.

Einnig er verið að vinna að því að fá sálfræðing vestur reglulega í samvinnu við sjúkrahúsið og gengur sú vinna vel.

Mikið hefur verið rætt um samverustundir og verður þeim breytt á næstunni, fluttar á t.d. laugardagsmorgna og auglýstar í blöðum og útvarpi.