Skýrsla starfsmanns fyrir árið 2006
Sigurvon bárust margar veglegar
gjafir á árinu í formi styrkja frá ýmsum aðilum, hópum og fyrirtækjum
Í upphafi árs er gert upp vegna jólakortasölu og er salan síðustu jól mjög góð, en hún er meiri en
síðasta ár þegar varð tvöföldun
Skrifstofa
Sigurvonar var opin í vetur og fram í lok júní, en lokað var
í júlí og ágúst
Síðasti aðalfundur félagsins var
haldinn á Hótel Ísafirði fimmtudaginn 6. apríl í fyrra, en kaffi og meðlæti var þá eins og nú í boði
Sparisjóðs Vestfirðinga. Gestur fundarins var Gunnjóna Una Guðmundsdóttir félagsráðgjafi og
verkefnisstjóri hjá Krabbameinsfélagi Íslands og flutti hún fróðlegt og
skemmtilegt erindi. Einnig bauð Gunnjóna Una upp á einkasamtöl
varðandi félagsleg réttindi
og fleira, en því miður var eftirspurn ekki næg og fella þurfti niður þessa
tíma.
Ný stjórn var kosin á aðalfundi:
Formaður: Sigurður Ólafsson, Seljalandsvegi 75, 400 Ísafirði 893
1753 bii@simnet.is
Gjaldkeri:
Ritari: Oddný Birgisdóttir ob@ov.is
Meðstjórnandi: Auður H. Ólafsdóttir audur@fsi.is
Meðstjórnandi: Jóhanna Ása Einarsdóttir, 510 Hólmavík stebbij@simnet.is
Varamaður: Sigríður Ragnarsdóttir sigga-ti@snerpa.is
Varamaður: Heiðrún Björnsdóttir heidrunbjorns@simnet.is
Á aðalfundi barst félaginu stórkostleg peningagjöf
frá Halldóri Magnússyni (Dúdda Magg) og frú, eiga þau hjónin bestu þakkir
skildar fyrir
Samverustundir hafa verið í boði síðasta ár og haldnar reglulega, 1. og 3. hvern laugardag
hvers mánaðar. Tengiliður þessara stunda er og hefur verið Heiðrún Björnsdóttir
og hefur hún unnið mjög óeigingjarnt starf í þágu félagsins.
5. júní s.l. hélt karlakórinn Ernir tónleika í Hafnarfjarðarkirkju til
styrktar Sigurvon og var afrakstur tónleikanna um 200 þúsund krónur. Sendir félagið þeim bestu kveðjur og þakkir
Pennasala gekk vel í ár og
sáu krakkar í MÍ um söluna með mjög góðum árangri. Pennarnir fengust einnig á
skrifstofu félagsins, sími: 456-5650 og var hægt að hringja og fá þá senda til
sín í búntum !! Krakkarnir gengu í hús víða um Vestfirði og voru mjög dugleg að
vera til staðar þar sem fjöldinn var, eins og í Bónus og á landsþingi Kiwanis
sem haldið var á Ísafirði í fyrra og gekk sala á lyklakippum og pennum ótrúlega
vel.
Í tilefni
þess að október mánuður er helgaður
baráttu gegn brjóstakrabbameini voru ýmsar byggingar lýstar upp með bleiku ljósi um allan heim. Á
Vestfjörðum var það Hótel Ísafjörður og hluti gamla kaupfélagshússins. Á
Hólmavík, Bolungarvík, Suðureyri, Þingeyri og Flateyri voru kirkjur staðanna
baðaðar bleiku ljósi og vakti mikla athygli. Bleika slaufan var til sölu á sama tíma á Fjórðungssjúkrahúsinu á
Ísafirði og í Ísafjarðarapóteki og svo auðvitað hjá snyrtivöruversluninni
Silfurtorgi.
Jólakort 2006 komin í sölu í október
!!
Þessar myndir eru
teiknaðar af Ómari Smára Kristinssyni og hefur hann gefið Sigurvon leyfi til að
nota þær félaginu að kostnaðarlausu. Kortin
eru til sölu víða á Vestfjörðum og má yfirleitt nálgast þau á sömu stöðum
og minningarkort félagsins eru seld. Kostar stykkið 100 kr. og eru þau líka
seld í búntum, 10 saman. Helstu sölustaðir á Ísafirði eru, Húsasmiðjan,
Birkir ehf., Hlíf II, Blómaturninn
og Heilsugæslan. Sú breyting varð á
sölu korta í ár að fyrirtækið Bókhlaðan/Penninn datt út. Penninn fór fram á 20
% sölulaun auk vasks og fannst okkur ekki forsvaranlegt að borga einu fyrirtæki
fyrir sölu á jólakortum okkar á meðan öll önnur fyrirtæki í bænum seldu kortin
án nokkurs gjalds. Ný fyrirtæki komu þó inn og er gaman að segja frá því að
nýir sölustaðir voru t.d. Office one á Ísafirði og Blómaval í Skeifunni
Reykjavík. Töluvert meiri sala var í jólakortum í ár, þrátt fyrir mikla
aukningu í fyrra.
.
Heimasíða félagsins hefur verið
virk og uppfærð um leið og fréttir berast, einnig hefur vefur BB (Bæjarins
Besta, bæjarblaðið) styrkt félagið mjög vel og auglýst starf þess og alla
viðburði félaginu að kostnaðarlausu. Ekkert hefur heyrst af fyrirhuguðum
breytingum á heimasíðum KÍ. En starfsmaður Sigurvonar tók sér bessaleyfi fyrir
ca. ári síðan og setti upp síðu sem verið hefur uppfærð reglulega síðan, slóðin
er http://svon.blogspot.com
Sigurvon fagnar 5 ára afmæli !
Sigurvon
hélt upp á 5 ára afmæli sitt 4. nóvember
með afmælisfundi á Hótel Ísafirði. Flutt voru erindi, Guðrún Jónsdóttir söng við undirleik
Margrétar Gunnarsdóttur og loks var kaffi og tertur í boði Sparisjóðs
Vestfirðinga. Auður H Ólafsdóttir
flutti ávarp f.h. félagsins og gestafyrirlesari var Sigurður Björnsson yfirlæknir og formaður stjórnar KÍ, flutti hann
erindið "Stiklur um krabbamein". Hér má sjá frétt BB af
afmælisfundinum og hér er hægt að hlusta á viðtal við starfsmann Sigurvonar,
sem flutt var í þættinum "Samfélagið
í nærmynd" 6. nóv. á Rás I. Félagið þakkar velvild í sinn garð og
góðar undirtektir og óskir
Krabbameinsfélagið Sigurvon flytur, jafnvel enn og aftur
Krabbameinsfélagið Sigurvon á norðanverðum Vestfjörðum hefur flutt
og er nú til húsa að Suðurgötu 9 á Ísafirði. „Þetta er mun betri aðstaða og við
erum mjög ánægð með flutninginn“, segir Ingibjörg Snorradóttir Hagalín
starfsmaður félagsins. Opnunartími skrifstofu félagsins og sími er enn sá sami.
Skrifstofan er opin á þriðjudögum og miðvikudögum kl. 10.00–12.00 og á
fimmtudögum kl. 11:00-13:00. Símanúmer skrifstofunnar er 456-5650. Til stendur
að félagið fari í samstarf við önnur félög og flytji í nýtt húsnæði á nýju ári,
þetta skýrist fljótlega
Blettadagur föstudaginn 15. desember
n.k.!
Krabbameinsfélagið
Sigurvon var með Blettadag föstudaginn
15. desember n.k. í samvinnu við Heilsugæslustöðina og
Fjórðungssjúkrahúsið á Ísafirði. Blettaskoðun var í boði fyrir alla sem þess
óska og voru læknarnir Fjölnir
Guðmundsson og Þorsteinn Jóhannesson við þennan dag, milli
kl. 13:00 og 16:00.
Fólk var hvatt til að notfæra sér þessa þjónustu og láta lækna ákveða hvort
ástæða væri til að láta fjarlægja fæðingarbletti eða aðra bletti. Ekki
þurfti neinar tímapantanir og var fólk eindregið hvatt til að
mæta og notfæra sér þessa fríu þjónustu, sem gekk mjög vel
Veittir voru nokkrir fjárhagslegir
styrkir til einstaklinga á árinu og komu þeir sér vel. Sigurvon hefur
undanfarin ár greitt að fullu
dvalarkostnað sjúklinga sem dvelja þurfa að heiman vegna lyfjagjafa. Í ár
hefur félagið greitt dvalarkostanð fyrir nokkra
einstaklinga og hafa þeir allir verið félagar í Sigurvon og með lögheimili á Ísafirði, en það eru
skillyrðin fyrir að kostnaður sé greiddur.
Samráðsfundir eru haldnir
þrisvar á ári innan Krabbameinsfélags Íslands og sótti ég einn slíkan nú í
janúar og var mjög gaman og fróðlegt að hitta allt það fólk sem maður er annars
í tölvusambandi við eða símasambandi. Næsti samráðsfundur var í maí n.k. og sá
þriðji í nóvember, en þann fund gat ég ekki sótt vegna anna. Þessir fundir eru
nauðsynlegir til að stilla saman strengi og sjá hvað aðrir eru að
Stjórnarfundir eru haldnir
mánaðarlega og oftar ef þörf þykir og eru þeir allir ritaðir í dag til
upplýsinga fyrir þá er á eftir koma og eru fundargerðir sendar öllum
stjórnarmönnum
Félagið stefnir á að funda bæði á Ísafirði og á Hólmavík á næstu mánuðum og eru hugmyndir að
fá 2 fyrirlesara á fundina, annan sem færi yfir félagsleg réttindi og annan sem
fjalla myndi um Læknaskop.
Félagið stefnir í samstarf
við Geðhjálp, Sjálfsbjörg, Rauða Krossinn og jafnvel fleiri um að opna og reka miðstöð fyrir einstaklinga
þessara félaga, en fleiri félög eiga eftir að bætast í hópinn og hafa sýnt
áhuga. Miðstöðin verður ekki opin fyrir almenning. Ýmis aðstoð verður í boði,
sem og starfsendurhæfing. Markaðssvæði miðstöðvarinnar er Ísafjarðarbær,
Súðavík og Bolungarvík og ætluð til hjálpar og stuðnings, öryrkjum,
geðfötluðum, krabbameinssjúklingum og fleiri sjúklingum, sem missa vinnu
tímabundið/varanlega vegna sjúkdóms og þurfa aðstoð við að fóta sig á ný í
lífinu. Forsvarsmenn ýmissa hópa telja líklegra að fólk nýti sér frekar þjónustu
miðstöðvarinnar sé hún fyrir marga mismundani hópa og markaður hér vestra er of
lítill til að vera með of sérhæfða miðstöð. Verið er að leggja lokahönd á þá
vinnu sem undirbúningur svona miðstöðvar krefst og er óskandi að opnað verði
sem fyrst