South River Band æfir fyrir sunnan Syðri-Á kl. 03 að morgni laugardagsins 19. júlí 2003

 

South River Band

 

Hljómsveitin æfir sem aldrei fyrr og kemur fram við ýmis tækifæri. M.a. hefur hún skemmt Samtökum Iðnaðarins, Sjálfstæðisflokknum, Grunnskólum Kópavogs, gestum Landsbankans, Íslandsbanka, leikskólakennurum hjá Reykjavíkurborg og endurskoðendum að ógleymdum tónleikum á Menningarnótt í Reykjavík og Ljósanótt í Reykjanesbæ. Hljómsveitin hefur komið fram í Sandgerði, Borgarnesi, Keflavík, Árnesi, Ólafsfirði, Dalvík, á Hofsósi, Skagaströnd og í Laugaborg í Eyjafirði svo nokkur dæmi séu tekin.

 

Tónlistarstefnan hefur breyst nokkuð og nú er hljómsveitin órafmögnuð og notar helst enga mögnun nema þegar aðstæður krefjast. Stöðugt er tekist á við nýtt efni, bæði úr smiðju hljómsveitarinnar og efni eftir aðra. Ný plata kom út sumarið 2004 og ber hún heitið "Maður gæti beðið um betra veður."

 

Hljómsveitina skipa nú:

Grétar Ingi Grétarsson (námsleyfi í Þýskalandi)           Kontrabassi

Einar Sigurðsson                                                             Kontrabassi

Gunnar Reynir Þorsteinsson                                          Slagverk

Helgi Þór Ingason                                                            Harmonika og píanó

Kormákur Bragason                                                        Gítar og þverflauta

Ólafur Sigurðsson                                                            Gítar og mandolín

Ólafur Þórðarson                                                             Gítarar

Matthías Stefánsson                                                        Fiðla

 

Allir hljómsveitarmeðlimir eru virkir í söng enda flytur hljómsveitin mikið af frumsömdu efni, lögum og textum.

 

Hljómsveitin heldur úti metnaðarfullri heimasíðu og þar eru frekari upplýsingar fyrir þá sem áhuga hafa.