Starfið
Starfið er mjög margbreytilegt. Fyrir utan að sjá til þess að tölvurnar gangi snurðulaust þarf ávallt fylgjast með því hvað er að gerast á upplýsingasviðinu hverju sinni, t.d þegar Internetið kom til sögunnar og stofnunin ákvað að hafa heimasíðu og tölvupóst var hafist handa við að gera allt innanhúss. Nú er öðruvísi farið að og slík þjónusta oft keypt utan frá. Starfinu fylgja mikil samskipti við fólk innanhúss og utan og maður er bæði þiggjandi og gefandi í svona starfi og aldrei er lognmolla.

Bakgrunnur

Ég er fædd og uppalin í Japan. Það er hrein tilviljun að ég fór að vinna á tölvusviði. Ég útskrifaðist sem stærðfræðingur frá háskóla í Tokyo 1971 en aðalfag mitt var stærðfræðileg rökfræði sem er grunnfagið fyrir tölvur. Eftir námið buðust mér nokkur störf og ég hóf vinnu hjá hugbúnaðarfyrirtæki sem stundaði aðallega þróunarstarf og rannsóknir. Það fyrirtæki var í eigu japansks og bandarísks risafyrirtækis, Japan Univac ( núna Unisys). Ég var eitt ár í deild sem átti að þróa skjalaleitarhugbúnað (document retrieval system) og tók síðan þátt í verkefni annarrar deildar við að endurhanna og skrifa þýðanda (ALGOL) í tvö ár. Eftir það vildi ég breyta til. Þótt starfið sjálft væri skemmtilegt var ég ekki alveg búin að ákveða hvað ég vildi gera að ævistarfi. Auk þess hafði ég verið mikill bókaormur frá því ég mundi eftir mér og hafði lesið allskyns bókmenntir og sögur. Meðal annars hafði ég mikinn áhuga á norrænni goðafræði og Íslendingasögum og sótti þess vegna um inngöngu í Háskóla Íslands 1974 og lauk BA prófi í íslensku fyrir erlenda stúdenta þaðan 1977. 1976 byrjaði ég að vinna hjá erfðafræðinefnd H.Í við uppbyggingu gagnagrunns sem nefndin notaði síðan í rannsóknir sínar. Ég vann fyrir nefndina í 5 ár. Árið 1983 byrjaði ég að vinna hjá Framkvæmdastofnun ríkisins sem var seinna skipti í Byggðastofnun og Framkvæmdasjóð Íslands. Í dag vinna ég hjá Byggðastofnun (www.bygg.is). Fljótlega eftir að ég byrjaði þar fór ég að vesenast í öllu sem tölvuvinnslu snerti og fór að bæði endurhanna og skrifa lánakerfi og reka tölvukerfi stofnunarinnar sem er orðið mitt aðalstarf.

Kostir þess að starfa á tölvusviði

Fagið er mjög alþjóðlegt og hefur engin landamæri. Fagið er ókynbundið og enginn gerir athugasemd við það hvort maður er kona eða karl, Japani eða Arabi. Heilinn á að starfa rétt en útlit eða kyn skiptir engu máli. Það ríkir létt andrúmsloft í kringum fagfólkið og engir fordómar að heitið geti. Fólkið er í eðli sínu mjög forvitið um allt sem er nýtt og horfir alltaf til framtíðar. Tölvusvið er ekki bara forritun en mér finnst forritun eiga mjög vel við konur þar sem þær geta verið mjög nákvæmar og smámunasamar á jákvæðan hátt. Maður þarf ekki að vera tölvunörd til að starfa á upplýsingasviði a.m.k. er ég enginn tölvunörd og er ennþá sami bókaormurinn.

Vefslóð

Byggðastofnun