Gandhi, King, Ikeda.

Friður fyrir komandi kynslóðir

Á Glerártorgi Akureyri
29.ágúst -14. september

Í tilefni Akureyrarvöku

Sögusýningin Gandhi – King – Ikeda : Friður fyrir komandi kynslóðir er alþjóðleg sýning sem leggur áherslur á mannleg gildi og hetjulega baráttu þessara þriggja einstaklinga fyrir betri heimi.

Tilgangur sýningarinnar er að efla vitund okkar á þessum róstursömu tímum um að til séu friðsamlegar leiðir til að leita lausna á ósætti og óréttlæti og einnig til að vekja okkur til umhugsunar um að ofbeldi sé aldrei réttlætanlegt. Sýningin felur í sér boðskap friðar og mannúðar sem á erindi til allra manna.

Sýningin verður opnuð á Glerártorgi á Akureyri á Akureyrarvöku þann 29.ágúst
Hún er sett upp í tilefni af Heimsgöngu í þágu friðar og tilveru án ofbeldis.

Sýningin er fyrst og fremst ætluð nemendum og kennurum í framhaldsskólum og eldri bekkjum grunnskóla. Markmiðið hennar er að vekja athygli nemanda á mikilvægi þess að hafna öllu ofbeldi í hvaða formi sem það birtist. Með fordæmi sínu hafa þessir þrír einstaklingar sýnt fram á hversu miklu er hægt að áorka með friðsömum leiðum.

Kennarar geta komið með nemendur sína í vettvangsferð á opnunartíma Glerártorgs og fengið verkefni til að leysa á staðnum. Dregið verður úr réttum lausnum og veitt verðlaun fyrir.