Um sýninguna

Sjálfbær þróun á heimsvísu

Sáttmáli jarðar og möguleikar manneskjunnar

Tilgangur sýningarinnar og myndbandsins er að vekja fólk til umhugsunar um mikilvægi sjálfbærrar þróunar og umhverfisverndar.

Hún er byggð á hugmyndum Sáttmála jarðar sem var saminn af nefnd skipaðri af Sameinuðu þjóðunum.

Það var venjulegt fólk frá öllum heimshornum og öllum stigum þjóðfélagsins sem lagði sitt að mörkum til þess að semja sáttmála sem byggir á þeim grundvallaratriðum sem einstaklingar, fyrirtæki og þjóðir þurfa að tileinka sér til þess að hægt sé að skapa heim sem byggir á sjálfbærri þróun, umhverfisvernd og félagslegu réttlæti.

Sýningin var upprunalega sýnd á Heimsfundinum um sjálfbæra þróun í Jóhannesarborg árið 2002 og var hún framlag UNDP, UNEP, Earth Council, Earth Charter Initiative og SGI til þessa áratugar sem Sameinuðu þjóðirnar hafa nefnt ,,áratug menntunar fyrir sjálfbæra þróun."

Markmiðið með sýningunni er annars vegar að kenna fólki, sérstaklega ungu fólki, hvað það getur lagt að mörkum til þess að skapa betri og umhverfisvænni heim og hins vegar að fræða fólk um þá gríðarlegu möguleika sem einstaklingar búa yfir til þess að gera heiminn betri.
Sýningin samanstendur af veggspjöldum sem innihalda fróðleik um sjálbæra þróun og umhverfismál.

Sýningin var þýdd og prentuð á íslensku af samtökunum SGI á Íslandi og
Stendur hún til boða til uppsetningar fyrir skóla, sveitarfélög, stofnanir og aðra sem láta sig sjálfbæra þróun varða.

Myndbandið Þögul bylting sem fylgir sýningunni hefur verið textað á íslensku og geta skólar nálgast eintak af því hjá Staðardagskrá 21. í sínu sveitarfélagi.