Englabörnin

Ég hef unnið nokkuð með börnum, og mér hreinlega blöskrar sú tilhneiging fólks að sjúkdómsgreina eðlileg börn sem ofvirk og þunglynd og hvaðeina, og dæla í þau þunglyndislyfjum og rítalíni.

Hér er hægt að nálgast Englabörnin á mp3.

Englabörnin sæt og smá,
syngja dátt í skýunum
Léttur fótur og lipur tá,
læti eru í rýunum.

Engla mamma er ekki kát,
engin læti meta kann,
leitar hún í lyfjaskáp
að lækna þessa óáran.

Svo þau verði sæt og fín
skulu þau bryðja Rítalín,
öll þá verða ljúf og lin
leika eins og hin. -dúrídú-

Englabörnin alvarleg
ekki vilja sprikla um
lesa bækur liggja hljóð
leika sér í huganum

Englamamma á ystu nöf
horfir fúl á börnin smá.
Leggur hún til lyfjagjöf
svo léttist þeirra þunga brá.

Svo þau verði sæl og glöð,
sjúgi Prozak gegnum rör.
Öll þá hoppa hugfangin
hlæjandi eins og hin.