Nýtt efni:

Setjum kraft í fjarskiptin milli TF stöðva í vetur. Innanlandstíðnin er 3633 KHz og þar er tilvalið að hittast á kvöldin, t.d. á heilu tímunum frá og með kl. 22.

Öll sambönd sem fara fram frá og með 1. október 2004 verða gild fyrir TF-TF viðurkenningarnar. Fyrstu viðurkenningarnar verða veittar eftir áramót, fyrir tímabilið okt-nóv-des. Hverjir hljóta fyrstu TF-TF viðurkenningarnar?

Um TF-TF viðurkenningarnar

TF-TF viðurkenningar eru veittar radíóamatörum með íslenzk kallmerki fyrir árangur við að hafa samband við aðrar íslenzkar stöðvar. Í þessu felst hvatning til amatöra til að hafa sambönd innanlands, ferðast með tæki sín og prófa fjarskiptaskilyrði sín á milli.

Viðurkenningar eru veittar fjórum sinnum á ári og að auki sérstaklega fyrir árangur ársins. Í meginatriðum eru gefin stig sem hér segir

Punktar fyrir hvert samband við aðra stöð:

1 - ef kallmerki stöðvarinnar er í sama kallsvæði
2 - annars (kallmerki í öðrum svæðum eða /P,M,MM).

Margfaldarar fyrir fyrsta samband við hverja stöð:

1 - ef kallmerki stöðvarinnar er í sama kallsvæði
2 - annars (kallmerki í öðrum svæðum eða /P,M,MM).

Punktar og margfaldarar safnast sérstaklega upp á hverju tíðnisviði (bandi) og einnig fyrir hvert kallmerki sem þátttakandi notar.

Heildarstig þátttakanda eru reiknuð:

[Fjöldi punkta] x [Fjöldi margfaldara].

Ekki er nauðsynlegt að skila inn radíódagbók fyrir viðurkenningar, heldur dugir að telja saman sambönd úr bókinni og taka saman á umsóknarblaði.

Nánari upplýsingar eru í reglum fyrir TF-TF viðurkenningarnar.

Reglur TF-TF viðurkenninganna: TF-TF Reglur.pdf
Umsóknarblöð og dæmi: Umsokn.pdf

Umsjón hefur með TF-TF viðurkenningunum og upplýsingar veitir:

Kristinn Andersen, TF3KX
Austurgötu 42, 220 Hafnarfjörður
Netfang: tf3kx@simnet.is. - Vefsíða: www.simnet.is/net/tf3kx.htm