Trausti Tryggvason
Trausti Tryggvason

Heimasíðu Skógræktarfélags Stykkishólms er ætlað það hlutverk að upplýsa almenning um starfsemi félagsins, sögu
þess og plöntu og dýralíf á skógræktarsvæðum félagsins.

Stjórn  félagsins árið 2003 er skipuð þannig, Trausti Tryggvason formaður,  Ægir Jóhannsson ritari  og
Magnús Jónsson gjaldkeri. Meðstjórnandi  Bjarni Lárusson.

Trausti Tryggvason hefur umsjón með skógræktarsvæðum félagsins.

Félagar í Skógræktarfélagi Stykkishólms eru 120 að tölu í desember 2003.

Skýrsla formanns fyrir starfsárið 2003
Skýrsla formanns fyrir starfsárið 2002
Skýrsla formanns fyrir starfsárið 2001
Skýrsla formanns fyrir starfsárið 2000
Skýrsla formanns fyrir starfsárið 1999
Skýrsla formanns fyrir starfsárið 1998
Saga félagsins
Sala á jólatrjám

Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 2003

Stykkishólmi 15. mars 2004

Skýrsla formanns Skógræktarfélags Stykkishólms um starfsemi og helstu viðfangsefni félagsins á starfsárinu 2003. Á  árinu  voru  4017  plöntum plantað á vegum félagsins, 3517 plöntum var plantað vegna  Landgræðsluskóga, og 500 plöntum fyrir Stykkishólmsbæ. Um 700 kg af áburði var dreift á skógræktarsvæði félagsins og valin svæði innan bæjarfélagsins. Sitkalúsafaraldur gerði vart við sig svo um munar. Skemmdirnar eru mjög miklar á grenitrjám á öllum skógræktarsvæðum  félagsins. Sitkalúsin hefur verið iðin hjá okkur  síðastliðin 15 ár. Faraldurinn sem gaus upp fyrrihluta síðasta árs er sá mesti og að öllum líkindum sá mesti á landinu. Benda má á að þessa dagana er lúsin að yfirtaka hvert tréð af öðru  undir klettunum í Tíðásnum. Þetta sést vel þegar ekið er framhjá eftir þjóðveginum.

*Grensás
Unnið var við hefðbundna hreinsun og grisjun á svæðinu.  Unnið var við vegagerð  og svæðið snyrt eins og kostur var. Plantað var 2.200 plöntum á svæðinu. Tegundirnar sem plantað var, voru  ilmbjörk  2000 plöntur,  alaskavíðir 200 plöntur og álmur 3 plöntur. Eins og síðastliðin ár var sáð talsverðu magni af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum.  Öllum plöntum í nýja hluta Grensás var gefinn áburður. Sett voru upp fjögur ný borð með áföstum bekkjum í nýrri lundinn og eitt til viðbótar var komið fyrir í eldri lundinum. Vegagerðin setti upp þrjú ný merki til að vísa á áningastaðina í Grensás og benda á æskilegan ökuhraða. Einhver "fjölfatlaður" var svo hugulsamur að skrúfa niður og fjarlægja merki fatlaðra við gamla lundinn í Grensásnum sem gaf fötluðum rétt til bílastæðanota. Athygli skal vakin á því að mikil vinna er við eftirlit og hreinsun svæðisins.

*Tíðás
Reytt var undan plöntum og þeim gefin áburður. Plantað var um 120 alaskavíðiplöntum  á svæðinu. Á svæðinu var tekið allmikið af lúpínufræi til sáningar. Farið var yfir alla girðinguna sem heldur utan um skógræktarsvæðið.  Mikil vinna var eins og fyrri ár við að reka "Hólarollurnar" út úr girðingunni vegna seinagangs með viðgerðir á girðingu bæjarins sem liggur út í Mjóafjörð (Nesvog).  Í byrjun sumars 2004 verður reiðleið lokað um Tíðás ef ekki verður gert við bæjargirðinguna á skikkanlegum tíma.

*Sauraskógur
Nokkuð var grisjað á ákveðnum svæðum mest með gerð göngustíga. Plantað var 900 plöntum af alaskaösp á svæðinu. Tvö eldri borð voru færð úr Grensás upp í Sauraskóg. Hestamenn settu upp lítið gerði í vesturenda Langáss. Farið var yfir allar girðingar og þær lagfærðar eftir bestu getu. Girðingarnar eru komnar til ára sinna og þarfnast æ meira viðhalds. Til bóta er þó að Benedikt bóndi á Saurum hefur hafið skógrækt með aðild að Vesturlandsskógum og fækkað rollum sínum og búsmala verulega. Þannig að enn og aftur eru það "Hólarollurnar" sem angra okkur á þessu svæði sem og annarsstaðar. Vegna vatnsveituframkvæmda var vegslóðinn milli Langáss og Setbergs mikið notaður og eiga framkvæmdaaðilar eftir að gera við skemmdirnar sem urðu á honum.

*Vatnsdalur
Rafmagnsgirðingin var til friðs þetta árið. Reytt var undan plöntum og þeim gefinn áburður. Plantað var um 160 plöntum af sitkaelri meðfram veginum og 134 plöntum af hreggstaðavíði bætt inn í "langa beðið" og meðfram vegi. All miklu af lúpínufræi var sáð eins og venjulega í "Fellið" Vel tókst til með að halda sauðfé frá skógræktarsvæðinu. Líkleg skýring á því er að sennilega er sá rollustofn allur sem hefur verið að angra okkur í Vatnsdalnum.

*Sala á jólatrjám
Mönnum gafst ekki kostur á að ganga til skógar og fella trén með eigin hendi vegna sitkalúsafaraldurins. Sala á stærri trjám (torgtré) til fyrirtækja var með hefðbundnum hætti en fá tré náðust úr skóginum. Því voru flest trén aðkeypt til endursölu. Nánast engin eftirspurn var eftir "veggtrjám"  fyrir jólin. Að venju var St.Fransiskussystrum, Fíladelfíusofnuðinum og Norskahúsinu gefin hefðbundin grenitré. Eins og alltaf var eitthvað um það að menn gengju án leyfis til skógar og felldu sér tré til að gleðja sjálfan sig og sína yfir jólin. Ljóst má vera að ekki verður gengið til skógar næstu árin til að fella jólatré vegna sitkalúsafaraldursins.

*Heimasíða
Skógræktarfélag Stykkishólms hefur haldið úti heimasíðu á netinu á slóðinni  http://www.simnet.is/skogur/forest Heimasíðan er að sjálfsögðu í endalausri uppbyggingu en hún á að fræða almenning um starfsemi félagsins, sögu þess plöntu- og dýralíf. Mestar upplýsingar er að finna um Landgræðsluskógasvæðið Grensás. Þar má lesa um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil frá árinu 1967 til dagsins í dag. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó.
*Kaup á verkfærum og viðhald tækja
Hefðbundið viðhald á vélum (dráttavél og kerrum) og verkfærum. Dráttarvélin góða frá Rúmeníu fer brátt að bera beinin ef svo má að orði komast.

*Hverjir unnu verkin
Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári (sumri)  gekk formaðurinn ekki heill til skógar og í hans stað (meirihluta sumarsins) sá Margrét Ebba Ísleifsdóttit um  nemendur vinnuskólans á starfstímanum.  Rétt er að geta þess að nemendur vinnuskólans koma flokkstjóralausir til vinnu í skógræktina. Bjarni Lárusson (fyrrverandi formaður félagsins) sem unnið hefur hálfan daginn hluta úr sumrinu undanfarin ár við  að reita frá plöntum, gefa þeim áburð og rabba við þær um lífið og tilveruna talið sig vera orðin of gamlan í þetta brölt og hélt sig að mestu fyrir norðan.

*Önnur atriði varðandi starfsemi félagsins á síðasta starfsári
Send voru út þakkarbréf vegna styrkja sem félagið fékk á árinu.
Sendar voru  umsóknir um styrki.
Ársskýrslu skilað til Skógræktarfélags Íslands og Stykkishólmsbæjar.
Plöntur pantaðar fyrir næstu þrjú ár eftir áætlun.
Skrifaðar voru greinar um viðgang félagsins í Stykkishólms- Póstinn og Laufblaðið.
Tæplega 50 félagar úr skógræktarfélagi Garðabæjar komu í heimsókn í september. Hópurinn var mjög heppinn með veður þrátt fyrir alla rigninguna. En veðurguðinn gerði hlé á rigningunni svona rétt meðan stoppað var. Hópurinn færði Skógræktarfélagi Stykkishólms að gjöf þrjú álmtré sem voru alin upp hjá Sædísi í Borgarnesi. Álmurinn var gróðursettur á völdum stað í Grensásnum. Starfslið Leikskólans sá um kaffi og meðlæti fyrir skógræktarfélagið.
Viku seinna var von á skógarbændum á Vesturlandi "Vesturlandsskógarbændum"
Líklega hafa Vesturlandsskógarbændur verið búnir að taka út sitt góða veður því veðrið var nánast snarvitlaust og ekki hundi út sigandi og heimsókninni því aflýst.

*Helstu viðfangsefni félagsins á næsta starfsári
1. Gerð  tveggja nýrra skógarlunda í Sauraskógi.
2. Gerð göngustíga á skógræktarsvæðunum og merkja (stika) þá.
3. Plöntun vegna Landgræðsluskóga í  Grensás og Vatnsdal.
4. Viðgerðir og endurbætur á girðingunum sem halda utan um skógræktarsvæðin.
5. Hefðbundin vinna við grisjun og aðhlynningu plantna.
6. Hefðbundin vinna við viðhald véla og verkfæra.
7. Sala á jólatrjám.
8. Safna stiklingum til að setja í nýju trjábeðin á tjaldsvæðinu. Verki lokið

*Önnur verkefni félagsins á síðasta starfsári
Gróðursetningar utan skógræktarsvæða í Stykkishólmi. Í júní, júlí og ágúst síðastliðið sumar voru gróðursettar (bætt inn í) 100 alaskavíðiplöntur við tjaldstæðið. Vel á fjórða hundrað plöntum (ýmsir klónar af víðiplöntum) var plantað frá botni Mjóafjarðar að Rarik. Borið var á allar plöntur tvisvar og þrisvar sinnum sem eru í umsjón Skógræktarfélags Stykkishólms í landi Stykkishólms utan skógræktarsvæða. Þessi svæði eru:  Mylluhöfði, svæðið við veginn upp að nýju kirkjunni, svæðið frá hótelinu að golfskála og allt tjaldsvæðið. Frá tjaldsvæðinu í botn Mjóafjarðar beggja vegna vegar nema hekkið milli gömlu rúlluhliðanna. Teknar voru upp plönturnar í gatinu hans Helga í hekkinu og þær settar niður aftur með jarðvegsefni sem kallaður er mold. Ennfremur var sama jarvegsefni sett í hansa-rósabeð við ráðhús vort og annað fjarlægt sem hentugra hefði verið til gatnagerðar. Borið var á plönturnar meðfram höfðanum sem liggur meðfram Silfurgötu og Lágholti að hluta og á plöntur sem voru gróðursettar í smá höfða  ofan við hús Eveline Haraldsson í úthverfi Stykkishólms. Alaskavíðirinn sem var gróðursettur við hitaveitulögnina milli flugvallaafleggjarana er af kvæminu Jörvi. Eins og nafnið bendir til er kvæmið karlkyns. Jörvi kemur frá Yakutat í S-A Alaska. Plönturnar eru í eigu skógræktarfélagsins og geymdar þarna sem "stiklingabanki". Búið er að taka fyrstu umferð stiklinga af trjánum. Geta má þess að hæstu trén voru um 190 sm vel greind tveggja sumra gömul. Nokkuð hefur verið plantað af karlkynsklónum af alaskavíði tvö síðastliðin ár hér í Stykkishólmi, en fram að því hefur nær eingöngu verið um að ræða kvenkynsklóna sem hafa nælt sér í gulvíði, loðvíði og grávíðikarla um allt land Stykkishólms eins og glöggt má sjá ef vel er að gætt.. Geta má þess að nokkrar víðiplöntur (gulvíðir, loðvíðir og grávíðir) í eigu skógræktarfélagsins eru notaðar til undaneldis á hverju ári af ræktunarmönnum. Ennfremur má geta þess að skordýrinu óvinsæla geitungi fer ört fjölgandi á skógræktarsvæðunum sérstaklega í Langásnum í Sauraskógi. Geitungarnir eru svokallaðir holugeitungar sem eru frekar friðsamir af geitungum að vera. Nemendum Vinnuskólans er kennt að umgangast og virða þessi fallegu og huguðu skordýr og hefur ekkert komið upp á sem orð er á gerandi varðandi umgengnina við geitungana. Annar nýr landnemi Glókollur hefur ekki eins mikla þörf fyrir að sýna sig og geitungarnir en syngur þess meira en syngjandi fuglar (vafalítið í varpi) er bæði í Langásnum og Setberginu í Sauraskógi.
                                                                                             Fyrir hönd Skógræktarfélags Stykkishólms,
                                                                                                                                     Trausti Tryggvason.                       


Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 2002

Stykkishólmi 1. maí 2003.

Skýrsla formanns Skógræktarfélags Stykkishólms um starfsemi og helstu viðfangsefni félagsins á starfsárinu 2002.  Á  árinu  voru  5220  plöntum plantað á vegum félagsins, 4550 plöntum var plantað vegna  Landgræðsluskóga, og 670 plöntum fyrir Stykkishólmsbæ.

*Grensás
Unnið var við hefðbundna hreinsun og grisjun á svæðinu.  Merkt var gönguleið frá Zimsensbletti inn í Vík. Unnið var við vegagerð á svæðinu og svæðið snyrt eins og kostur var. Plantað var 4.000 plöntum á svæðinu. Tegundirnar sem plantað var, voru  ilmbjörk  2500 plöntur,  alaskavíðir 500 pl. og  blágreni 1000 plöntur. Ennfremur var sáð talsverðu magni af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum. Athygli skal vakin á því að mikil vinna er við eftirlit og hreinsun svæðisins. Umgengni drukkina ungmenna, snjósleða og jeppamanna er ekki til fyrirmyndar í þessu bæjarfélagi. Því var haft samráð við lögreglu um yfirferð á svæðið um helgar og vaktþjónustuna Vökustaur. Gott samstarf hefur verið við hestamenn með umgengni á svæðinu, þó er alltaf einn og einn illa ríðandi egoisti á ferðinni.

*Tíðás
Reytt var undan plöntum og þeim gefin áburður. Farið yfir alla girðinguna sem heldur utan um skógræktarsvæðið.  Plantað var 100 plöntum á svæðinu. Tegundirnar sem plantað var, alaskavíðir 100 pllöntur. Ennfremur var sáð talsverðu magni af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum. Mikil vinna var eins og fyrri ár við að reka "Hólarollurnar" út úr girðingunni vegna seinagangs með viðgerðir á girðingu bæjarins sem liggur út í Mjóafjörð (Nesvog).

*Sauraskógur
Mikil vinna var lögð í gerð göngustíga og merkja  þá.   Farið var yfir allar girðingar og þær lagfærðar eftir bestu getu. Girðingarnar eru komnar til ára sinna og þarfnast æ meira viðhalds. Nokkuð var grisjað á ákveðnum svæðum mest með gerð göngustíganna. Gerður var nýr skógarlundur. með grilli og setaðstöðu. Í eldri lundinum var komið fyrir steinborðum og steinsætum (stuðlaberg) sem eru úr vegaframkvæmdunum yfir Vatnaleið

*Vatnsdalur
Farið var yfir sitkaelrið og þeim plöntum sem höfðu orðið fyrir frostlyftingu komið aftur á sinn stað. Plantað var 450 plöntum á svæðinu. Tegundirnar sem plantað var, voru alaskavíðir 100 pl. og  hreggstaðavíðir 350 plöntur. Ennfremur var sáð talsverðu magni af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum. Vinna við hefðbundnar viðgerðir á girðingunni. Keyptur var nýr rafgeymir fyrir girðinguna. Vel tókst til með að halda sauðfé frá skógræktarsvæðinu.

*Sala á jólatrjám
Sala á trjám fyrir jólin (Jólatrjám) fór að mestu fram í Sauraskógi.  Mönnum gafst kostur á að ganga til skógar og fella trén með eigin hendi. Flestir komu með fjölskylduna og gerðu úr þessu góðan dag með nesti og tilheyrandi. Sala á stærri trjám (torgtré) til fyrirtækja var með hefðbundnu sniði þ.e. nokkur tekin úr skóginum en flest aðkeypt til endursölu. Nánast engin eftirspurn var eftir "veggtrjám"  fyrir jólin. Að venju var St.Fransiskussystrum gefin hefðbundin 3 grenitré í kapelluna. Eitthvað  var um að menn gengju án leyfis til skógar og felldu sér tré til að gleðja sjálfan sig og sína yfir jólin.

*Heimasíða
Skógræktarfélag Stykkishólms hefur haldið úti heimasíðu á netinu á slóðinni  http://www.simnet.is/forest/   Heimasíðan er að sjálfsögðu í endalausri uppbyggingu en hún á að fræða almenning um starfsemi félagsins, sögu þess plöntu- og dýralíf. Mestar upplýsingar er að finna um Landgræðsluskógasvæðið Grensás. Þar má lesa um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil frá árinu 1967 til dagsins í dag. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó.

*Kaup á verkfærum og viðhald tækja
Hefðbundið viðhald á vélum (dráttavél og kerrum) og verkfærum.

*Hverjir unnu verkin
Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári var formanni til aðstoðar 4 nemendur vinnuskólans  alla daga starfstímans.  Rétt er að geta þess að nemendur vinnuskólans komu flokkstjóralausir til vinnu í skógræktina. Einn starfsmaður Bjarni Lárusson vann hálfan daginn hluta úr sumrinu við  að reita frá plöntum, gefa þeim áburð og rabba við þær um lífið og tilveruna.

*Önnur atriði varðandi starfsemi félagsins á síðasta starfsári
1. Send voru út þakkarbréf vegna styrkja sem félagið fékk á árinu.
2. Sendar voru  umsóknir um styrki.
3. Ársskýrslu skilað til Skógræktarfélags Íslands og Stykkishólmsbæjar.
5. Plöntur pantaðar fyrir næstu þrjú ár eftir áætlun.
6. Skrifaðar voru greinar um viðgang félagsins í Stykkishólms- Póstinn,

*Helstu viðfangsefni félagsins á næsta starfsári
1. Vinna við frágang á skógarlundunum í Langási í Sauraskógi.
2. Gerð göngustíga á skógræktarsvæðunum og merkja (stika) þá.
3. Plöntun vegna Landgræðsluskóga í  Grensás og Vatnsdal.
4. Viðgerðir og endurbætur á girðingunum sem halda utan um skógræktarsvæðin.
5. Hefðbundin vinna við grisjun og aðhlynningu plantna.
6. Hefðbundin vinna við viðhald véla og verkfæra.
7. Sala á jólatrjám.

*Önnur verkefni félagsins á síðasta starfsári
Gróðursetningar utan skógræktarsvæða í Stykkishólmi. Í júní, júlí og ágúst síðastliðið sumar voru gróðursettar 105 víðiplöntur við tjaldstæðið að austanverðu og 65 plöntum bætt inn í langa beðið. Um 500  víðiplöntum (jörvi) var plantað milli flugvallar-afleggjarana. Borið var á allar plöntur einu sinni sem eru í umsjón Skógræktarfélags Stykkishólms í landi Stykkishólms utan skógræktarsvæða.
                                                                                            Fyrir hönd Skógræktarfélags Stykkishólms,
                                                                                                                                     Trausti Tryggvason.

Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 2001

Stykkishólmi 1. apríl 2002.
Skýrsla formanns Skógræktarfélags Stykkishólms um starfsemi og helstu viðfangsefni félagsins á starfsárinu 2001. Á  árinu  voru 4.500 plöntum plantað á vegum félagsins. Öllum plöntum var plantað á vegum  Landgræðsluskóga.

*Grensás
Unnið var við hefðbundna hreinsun og grisjun á svæðinu.  Merkt var gönguleið frá Zimsensbletti inn í Vík. Unnið var við vegagerð á svæðinu og svæðið snyrt eins og kostur var. Plantað var 4.500 plöntum á svæðinu. Tegundirnar sem plantað var, voru  ilmbjörk  2000 plöntur, stafafura 1000 plöntur, alaskavíðir 1000 pl. og  blágreni 500 plöntur. Ennfremur var sáð talsverðu magni af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum. Athygli skal vakin á því að mikil vinna er við eftirlit og hreinsun svæðisins. Umgengni drukkina ungmenna, snjósleða og jeppamanna er ekki til fyrirmyndar í þessu bæjarfélagi. Því var haft samráð við lögreglu um yfirferð á svæðið um helgar og vaktþjónustuna Vökustaur. Gott samstarf hefur verið við hestamenn með umgengni á svæðinu, þó er alltaf einn og einn illa ríðandi egoisti á ferðinni.

*Tíðás
Reytt var undan plöntum og þeim gefin áburður. Farið yfir alla girðinguna sem heldur utan um skógræktarsvæðið.  Mikil vinna var eins og fyrri ár við að reka "Hólarollurnar" út úr girðingunni vegna seinagangs með viðgerðir á girðingu bæjarins sem liggur út í Mjóafjörð (Nesvog) og svo að þessar annars ágætu rollur labba bara si svona yfir rúlluhliðið án þess að spyrja fyrri eiganda sinn Högna Bæringsson leyfis.

*Sauraskógur
Mikil vinna var lögð í gerð göngustíga og merkja  þá.  Nýr merktur göngustígur er nú eftir endilöngum Langásnum að sunnanverðu. Farið var yfir allar girðingar og þær lagfærðar eftir bestu getu. Girðingarnar eru komnar til ára sinna og þarfnast æ meira viðhalds. Nokkuð var grisjað á ákveðnum svæðum mest með gerð göngustíganna.

*Vatnsdalur
Miklar viðgerðir fóru fram á rafmagnsgirðingunni vegna slits eins og fyrri ár. Skýringin er sú að slæm veður og snjóalög ullu mikilli ísingu sem sligaði girðinguna  Reytt var undan plöntum og þeim gefinn áburður. Farið var yfir sitkaelrið og þeim plöntum sem höfðu orðið fyrir frostlyftingu komið aftur á sinn stað. Keyptur var nýr rafgeymir fyrir girðinguna. Vel tókst til með að halda sauðfé frá skógræktarsvæðinu.

*Sala á jólatrjám
Sala á trjám fyrir jólin (Jólatrjám) fór að mestu fram í Sauraskógi.  Mönnum gafst kostur á að ganga til skógar og fella trén með eigin hendi. Flestir komu með fjölskylduna og gerðu úr þessu góðan dag með nesti og tilheyrandi. Sala á stærri trjám (torgtré) til fyrirtækja var með hefðbundnu sniði þ.e. nokkur tekin úr skóginum en flest aðkeypt til endursölu. Nánast engin eftirspurn var eftir "veggtrjám"  fyrir jólin. Að venju var St.Fransiskussystrum gefin hefðbundin 3 grenitré í kapelluna. Eitthvað  var um að menn gengju án leyfis til skógar og felldu sér tré til að gleðja sjálfan sig og sína yfir jólin.

*Heimasíða
Skógræktarfélag Stykkishólms hefur haldið úti heimasíðu á netinu á slóðinni  http://www.simnet.is/forest/   Heimasíðan er að sjálfsögðu í endalausri uppbyggingu en hún á að fræða almenning um starfsemi félagsins, sögu þess plöntu- og dýralíf. Mestar upplýsingar er að finna um Landgræðsluskógasvæðið Grensás. Þar má lesa um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil frá árinu 1967 til dagsins í dag. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó.

*Kaup á verkfærum og viðhald tækja
Hefðbundið viðhald á vélum (dráttavél og kerrum) og verkfærum.

*Hverjir unnu verkin
Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári var formanni til aðstoðar 4 nemendur vinnuskólans  alla daga starfstímans.  Rétt er að geta þess að nemendur vinnuskólans komu flokkstjóralausir til vinnu í skógræktina. Einn starfsmaður Bjarni Lárusson vann hálfan daginn hluta úr sumrinu við  að reita frá plöntum, gefa þeim áburð og rabba við þær um lífið og tilveruna.

*Önnur atriði varðandi starfsemi félagsins á síðasta starfsári
1. Send voru út þakkarbréf vegna styrkja sem félagið fékk á árinu.
2. Sendar voru  umsóknir um styrki.
3. Ársskýrslu skilað til Skógræktarfélags Íslands og Stykkishólmsbæjar.
5. Plöntur pantaðar fyrir næstu þrjú ár eftir áætlun.
6. Skrifaðar voru greinar um viðgang félagsins í Stykkishólms- Póstinn,
    Laufblaðið og eitt útvarpserindi.

*Helstu viðfangsefni félagsins á næsta starfsári
1. Gerð eins eða tveggja nýrra skógarlunda í Sauraskógi.
2. Vinna við frágang á skógarlundunum í Langási í Sauraskógi.
3. Gerð göngustíga á skógræktarsvæðunum og merkja (stika) þá.
4. Plöntun vegna Landgræðsluskóga í  Grensás og Vatnsdal.
5. Viðgerðir og endurbætur á girðingunum sem halda utan um skógræktarsvæðin.
6. Hefðbundin vinna við grisjun og aðhlynningu plantna.
7. Hefðbundin vinna við viðhald véla og verkfæra.
8. Sala á jólatrjám.

*Önnur verkefni félagsins á síðasta starfsári
Gróðursetningar fyrir Stykkishólmsbæ. Í júnímánuði síðastliðið sumar voru gróðursettar 230 alaskavíðiplöntur við tjaldstæðið. Vel á þriðja hundrað plöntum var plantað í höfðann (Mylluhöfða) fyrir neðan Amtbókasafnið. Efst á brekkubrúninni var plantað hreggstaðavíði þar fyrir neðan í brekkunni grávíði bæði hávöxnum og lágvöxnum, loðvíði, hreggstaðavíði, alaskavíði og birki neðst. Öllum plöntunum var plantað með skóflu (hola) og húsdýraáburði (kanínuskítur). Þessar plöntur voru fengnar frá Lágafelli. Hér er vettvangur til að koma  á framfæri ábendingu til bæjarstjóra og viðkomandi bæjarstjórnamanna. En samkvæmt munnlegri beiðni á vettvangi (vorið 2000) var beðið um gróðursetningu plantna innan við sunnanvert tjaldsvæðið og vesturhluta þess.  Að sunnanverðu var plantað 120 víðiplöntum sumarið 2000. Þetta gróðursetningasvæði hefur nú verið þakið skeljaúrgangi sjálfsagt til stækkunar á Tjaldsvæðinu.  Þar austanvið voru rúmlega 1200 birkiplöntum plantað af nemendum Grunnskólans í Stykkishólmi haustið 1994 á vegum Yrkju. Plönturnar höfðu náð ágætum þroska eins og sést á þeim plöntum sem eftir eru. En örlög flestra þessara plantna urðu þau að hitaveitulögn var lögð um svæðið án samráðs um hvað ætti að gera við plönturnar sem á svæðinu voru sem átti að fara yfir. Það hefur skapast góð hefð hér á landi á síðustu áratugum að land sé skoðað af vandvirkini sem framkvæmdir eiga að fara fram á, og þá tilkallaðir aðilar sem þekkja svæðið. Eins má nefna það ef menn hafa ekki áttað sig á því að í Stykkishólmi er ráð sem nefnist Umhverfismálaráð Stykkishólms sem hefur verið svo til ónotað m.a. þetta kjörtímabil. Það er vel til þess fallið að fjalla um umhverfið og umhverfismál.
                        Fyrir hönd Skógræktarfélags Stykkishólms,
                                            Trausti Tryggvason.
                       


Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 2000

Fyrir hönd Skógræktarfélags Stykkishólms vil ég undirritaður koma á framfæri þakklæti fyrir höfðinglegan styrki til félagsins á síðasta starfsári og legg hér fram skýrslu um starfsemi og helstu viðfangsefni félagsins á starfsárinu 2000.  Á  árinu  voru 13.000 plöntum plantað á vegum félagsins. Þar af 10.200 plöntum plantað á vegum  Landgræðsluskóga. En tvö af skógræktarsvæðum félagsins  Grensás og Vatnsdalur falla undir það verkefni.

*Grensás
Unnið var við hefðbundna hreinsun og grisjun á svæðinu.  Merkt var gönguleið um hluta svæðisins ca. 1200 m. Unnið var við vegagerð á svæðinu og svæðið snyrt eins og kostur var. Plantað var 10.293 plöntum á svæðinu. Tegundirnar sem plantað var, voru  ilmbjörk  8060 plöntum, hengibjörk 80 pl. sitkaerli 600 pl. alaskavíðir 1010 pl. gulvíðir 240 pl. strandavíðir 35 pl. og mýralerki 268 plöntum. Ennfremur var sáð um 10 kg af lúpínufræjum með þeim hætti að skálparnir voru teknir af plöntunum (efri hluti plöntunnar þar sem blómin eru og síðar fræ) og dreift í flög og vegkanta á svæðinu jafnóðum. Athygli skal vakin á því að mikil vinna er við eftirlit og hreinsun svæðisins. Umgengni drukkina ungmenna er ekki til fyrirmyndar í þessu bæjarfélagi. Því var haft samráð við lögreglu um yfirferð á svæðið um helgar og vaktþjónustuna Vökustaur.

*Tíðás
Reitt var undan plöntum og þeim gefin áburður. Farið yfir alla girðinguna sem heldur utan um skógræktarsvæðið. Hliði komið upp við efri hluta girðingarinnar til að auðvelda göngu- og hestamönnum aðgang um svæðið.  Allt rusl hreinsað á svæðinu. Plantað var  630  plöntum á svæðinu. Tegundirnar sem plantað var, voru  sitkaerli 160 pl. gulvíði 120 pl. alaskaösp 35 pl. og alaskavíði 315 plöntum. Lúpínum var sáð með því að taka skálpana og dreifa þeim. Mikil vinna var í júní við að reka "Hólarollurnar" út úr girðingunni vegna seinagangs með viðgerðir á girðingu bæjarins sem liggur út í Mjóafjörð (Nesvog) og svo að þessar annars ágætu rollur labba bara si svona yfir rúlluhliðið án þess að spyrja fyrri eiganda sinn leyfis. Einnig bar á lausum hestum á tímabili. 

*Sauraskógur
Unnið var við gerð göngustíga og merkja  þá um það bil  2 km. Nú er hægt að vera á rúmlega klukkutíma göngu um göngustígana í Vestara Setbergi og svipað lengi í Langási. Farið yfir allar girðingar og þær lagfærðar eftir bestu getu. Girðingarnar eru komnar til ára sinna og þarfnast æ meira viðhalds. Gerðir tveir "skógarlundir í Langási með grillum og ruslakassa. Plantað var 100 plöntum á svæðinu. Tegundirnar sem plantað var, voru hengibjörk 40 pl. ilmreinir 20 pl. og bergfuru 40 pl. Stykkishólmsbæ var veitt heimild til að byggja dæluhús austast í Langási með þeim kvöðum að skúrinn skeri  sig ekki úr landslaginu og gengið sé frá framkvæmdum á eðlilegan hátt fyrir næsta vor.

*Vatnsdalur
Miklar viðgerðir fóru fram á rafmagnsgirðingunni vegna slits. Skýringin er sú að slæm veður og snjóalög ullu mikilli ísingu sem sligaði girðinguna  Reitt var undan plöntum og þeim gefinn áburður ( 60 kg). Plantað var 1.340 plöntum á svæðinu. Tegundirnar sem plantað var, voru birki 190 pl. hengibjörk 40 pl. sitkerli 240 pl.  ilmreynir 28 pl. mýralerki 67 pl. alaskavíðir 500 pl.  gulvíðir 240 pl. og strandavíðir 35 plöntur. Um 35 kg af lúpínuskálpum dreift á ógróna mela. Sett nýtt vandað hlið í aðalaðgengið að svæðinu. Við gerð hliðsins voru hreyfihamlaðir hafðir í huga. Sextán tonnum af möl var komið fyrir í aðgenginu og borði og bekkjum (samfast) komið fyrir.

*Sala á jólatrjám
Sala á trjám fyrir jólin (Jólatrjám) fór að mestu fram í Sauraskógi.  Mönnum gafst kostur á að ganga til skógar og fella trén með eigin hendi. Flestir komu með fjölskylduna og gerðu úr þessu góðan dag með nesti og tilheyrandi. Sala á stærri trjám (torgtré) til fyrirtækja var með hefðbundnu sniði. Með góðu átaki tókst að selja allmikið af svokölluðum "veggjatrjám" fyrir jólin og skartaði bæjarfélagið þeim langt fram eftir vetri. Skógræktarfélagi Grundarfjarðar voru gefin 4 tré til styrktar starfsemi sinni og St.Fransiskussystrum hefðbundin 3 tré í kapelluna. Óvenju mikið var um að menn gengju án leyfis til skógar og felldu sér tré til að gleðja sjálfan sig og sína yfir jólin.

*Heimasíða 
Skógræktarfélag Stykkishólms hefur haldið úti heimasíðu á netinu á slóðinni  http://www.simnet.is/forest/   Heimasíðan er að sjálfsögðu í uppbyggingu en hún á að fræða almenning um starfsemi félagsins, sögu þess plöntu- og dýralíf. Mestar upplýsingar er að finna um Landgræðsluskógasvæðið Grensás. Þar má lesa um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil frá árinu 1967 til dagsins í dag. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó og hefur eyju til umráða.
*Kaup á verkfærum og viðhald tækja
Hefðbundið viðhald á vélum og verkfærum.

*Hverjir unnu verkin
Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári var formanni til aðstoðar 4 nemendur vinnuskólans  alla daga starfstímans.  Rétt er að geta þess að nemendur vinnuskólans komu flokkstjóralausir til vinnu í skógræktina. Einn starfsmaður Bjarni Lárusson vann hálfan daginn hluta úr sumrinu við  að reita frá plöntum og gefa þeim áburð. 

*Önnur atriði varðandi starfsemi félagsins á síðasta starfsári
1. Send voru út þakkarbréf vegna styrkja sem félagið fékk á árinu.
2. Sendar voru  umsóknir um styrki.
3. Ársskýrslu skilað til Skógræktarfélags Íslands.
5. Plöntur pantaðar fyrir næstu þrjú ár eftir áætlun.
6. Skrifaðar greinar um viðgang félagsins í bæjarblaðið.

*Helstu viðfangsefni félagsins á næsta starfsári
1. Vinna við frágang á skógarlundunum í Langási í Sauraskógi.
2. Gerð göngustíga á skógræktarsvæðunum og merkja (stika) þá.
3. Plöntun vegna Landgræðsluskóga í  Grensás.
4. Viðgerðir og endurbætur á girðingunum sem halda utanum skógræktarsvæðin.
5. Hefðbundin vinna við grisjun og aðhlynningu plantna.
6. Kaup á tveimur rafgeymum fyrir dráttarvél og rafmagnsgirðinguna í Vatnsdal.
7. Viðhald véla og verfæra.
8. Sala á jólatrjám.

Trausti Tryggvason.

Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 1999

 Fyrir hönd Skógræktarfélags Stykkishólms vil ég undirritaður koma á framfæri þakklæti fyrir höfðinglegan styrki til félagsins á síðasta starfsári og legg hér fram skýrslu um starfsemi og helstu viðfangsefni félagsins á starfsárinu 1999.  Á  árinu  voru 6.015 plöntum plantað á vegum félagsins. Öllum plöntunun 6.015 var plantað í Grensás (Landgræðsluskógasvæðið). En tvö af skógræktarsvæðum félagsins  Grensás og Vatnsdalur falla undir það verkefni.

*Grensás 
Unnið var við hefðbundna hreinsun og grisjun á svæðinu. Sett voru upp þrjú ný grill  til að koma enn frekar til móts við þá mörgu sem á þarna að sumarlagi. Gerðir voru nýjir göngustígar í viðbót við þá sem fyrir voru alls um 230 metrar. Merkt  var göngu og reiðleið að svokölluðum Þröskuldum. Unnið var við vegagerð á svæðinu og svæðið snyrt eins og kostur var. Plantað var  6.015 plöntum á svæðinu. Tegundirnar sem plantað var voru ilmbjörk (birki) 3015 plöntum, gulvíði 1000 plöntum og sitkagreni 2000 plöntum. Ennfremur var sáð 7 kg. af lúpínufræjum í vegkanta og flög á svæðinu. Athygli skal vakin á því að mikil vinna er við eftirlit og hreinsun svæðisins. Sett var upp skilti með viðeigandi áletrun við aðgengið að svæðinu. Skiltið var styrkur frá Húsasmiðjunni.

*Tíðás
Hefðbundin vinna við girðingar. Reitt var undan plöntum og þeim gefin áburður. Farið yfir alla girðinguna sem heldur utan um skógræktarsvæðið. Talsverð vinna (fínsnyrtingar) var við frágang eftir framkvæmdir við aðveituæð hitaveitunnar. Sett var upp skilti með viðeigandi áletrun við aðgengið að svæðinu. Skiltið var styrkur frá Húsasmiðjunni.  Gamli "vegurinn"  opnaður sem göngu og reiðleið um svæðið.

*Sauraskógur
Unnið var við gerð göngustíga og merkja (stika) þá. Farið yfir allar girðingar og þær lagfærðar eftir bestu getu. Girðingarnar eru komnar til ára sinna og þarfnast æ meira viðhalds. Sett var niður grill við  aðgengið að Langás.  Sett var upp skilti með viðeigandi áletrun við aðgengið að svæðinu. Skiltið var styrkur frá Húsasmiðjunni.

*Vatnsdalur
Rafmagnsgirðingin strekkt upp og gert við hana á þeim stöðum sem hún hafði slitnað niður. Neðsti vír ( 5km) einangraður frá staurunum. Reitt var undan plöntum og þeim gefin áburður ( 80 kg ). Sauðfé frá Hólum sækir stíft á girðinguna og fer ómældur tími í að reka féð út úr henni. Að vísu urðu 3 fullorðnar kindur fyrir bílum á vegkaflanum inn með hlíðum síðasta sumar. Þannig að eitthvað verður ágangurinn léttari á næsta ári. Sett var upp skilti með viðeigandi áletrun við aðgengið að svæðinu. Skiltið var styrkur frá Húsasmiðjunni.

*Sala á jólatrjám
Vegna snjóalaga var ekki hægt að fella tré í Sauraskógi fyrir jólin. En sala á jólatrjám fór fram í húsnæði Björgunarsveitarinnar.

*Kaup á verkfærum og viðhald tækja
Verkfærakostur félagsins er ekki upp á  það besta, vægt að orði komist. Ráðist var í kaup á lítilli kerru. Fjárfest var í verfærum eins og sögum, hrífum, skóflum og klippum. Keypt voru tvö ný dekk undir dráttavélina.

*Fræsöfnun
Erfitt er að koma við fræsöfnun meðal nemenda í Vinnuskólanum þar sem þeir hafa hætt störfum þegar fræ eru fullþroska. Þó var nokkru magni af lúpínufræjum  safnað seinnipartinn í ágúst og því sáð jafn harðan. Eins var gerð tilraun með að flytja lúpínur á milli svæða.

*Heimasíða 
Skógræktarfélag Stykkishólms hefur haldið út heimasíðu á netinu á slóðinni  http://www.simnet.is/forest/   Heimasíðan er að sjálfsögðu í uppbyggingu en hún á að fræða almenning um starfsemi félagsins, sögu þess plöntu og dýralíf. Mestar upplýsingar er að finna um Landgræðsluskógasvæðið Grensás. Þar má lesa um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil frá árinu 1967 til dagsins í dag. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó og hefur eyju til umráða.

*Hverjir unnu verkin
Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári var formanni til aðstoðar 8 nemendur vinnuskólans  á dag eftir verkefnum. Alla daga var minnst einn hópur fyrir hádegi og  annar eftir hádegi og eða sami hópurinn. Rétt er að geta þess að nemendur vinnuskólans komu flokkstjóralausir til vinnu í skógræktina. Einn starfsmaður Bjarni Lárusson vann hálfan daginn hluta úr sumrinu við  að reita frá plöntum og gefa þeim áburð. Fjórir nemendur vinnuskólans fóru á námskeið í Kópavogi í meðferð- og plöntun trjáplantna.

*Önnur atriði varðandi starfsemi félagsins á síðasta starfsári
1. Send voru út þakkarbréf vegna styrkja sem félagið fékk á árinu.
2. Sendar voru  umsóknir um styrki.
3. Ársskýrslu skilað til Skógræktarfélags Íslands.
5. Plöntur pantaðar fyrir næstu þrjú ár eftir áætlun.
6. Skrifaðar greinar um viðgang félagsins í bæjarblaðið.

*Helstu viðfangsefni félagsins á næsta starfsári
1. Vinna við frágang á vinnusvæði í Grensás og aðgengi að Langási í Sauraskógi.
2. Gerð göngustíga á skógræktarsvæðunum og merkja (stika) þá.
3. Plöntun vegna Landgræðsluskóga í  Grensás.
4. Viðgerðir og endurbætur á girðingunum sem halda utanum skógræktarsvæðin.
5. Hefðbundin vinna við  grisjun og aðhlynningu plantna.
6. Viðhald véla og verfæra og kaup á lítilli kerru.
7. Sala á jólatrjám.

                 Trausti Tryggvason

 Skýrsla formanns um starfsemi og helstu viðfangsefni Skógræktarfélags Stykkishólms á starfsárinu 1998


1. Viðræður við fulltrúa  bæjarstjórnar Stykkishólms um áframhaldandi styrki til 
    Skógræktarfélags Stykkishólms og tengsl vinnuskólans við skógræktina. 
2. Gerður Landgræðsluskógarsamningur um Grensás.
3. Unnið við nýtt aðgengi, göngustíga og skógarlund í Grensás.
4. Plöntun.
5. Rafmagn á vinnusvæðið í Grensás.
6. Ýmis hefðbundin vinna við girðingar, grisjun og aðhlynningu plantna og gerð
     göngustíga á skógræktarsvæðum félagsins í Tíðás, Vatnsdal ogí Sauraskógi.
7. Ferðamannaskógar.
8. Sala á jólatrjám.
9. Kaup á verkfærum og viðhald tækja.
10. Önnur verkefni tengd skógrækt í Stykkishólmsbæ.
11. Fræsöfnun.
12. Heimasíða á netinu.
13. Hverjir unnu verkin.
14. Merkingar.

1. Viðræður hófust snemma árs 1998 við Stykkishólmsbæ um áframhaldandi styrki til  handa Skógræktarfélagi Stykkishólms. Skilyrði fyrir styrk frá Stykkishólmsbæ til Skógræktarfélags Stykkishólms er, að Skógræktarfélag Stykkishólms hafi vinnuhópa í vinnu frá Vinnuskólanum yfir sumarið og reyni eftir megni að færa vinnuna nær bænum og uppfræða nemendur um skógrækt og umhverfið eins og kostur er. Skógræktarfélag Stykkishólms  skili skýrslu um starfsemina til Stykkishólmsbæjar  í maímánuði ár hvert.

2. Til að uppfylla ofangreind atriði sem best sótti skógræktarfélagið um stækkun skógrækrarsvæðisins í Grensás til Stykkishólmsbæjar. Gerður var svokallaður Landgræðsluskógarsamningur til 70 ára þar um 21. maí 1998. Skógræktarsvæðið í Grensás var 8,5 hektarar fyrir stækkun en er í dag 38,5 hektarar að stærð. Ennfremur var gerður svokallaður Lánssamningur milli Skógræktarfélags Stykkishólms og Helgu Krístínar Högnadóttur og Álfgeirs Marinóssonar 6. ágúst 1998 með vitund bæjarstjórans í Stykkishólmi. Í Lánssamningnum lánar Skógræktarfélag Stykkishólms þeim landspildu úr svokölluðum Zimsensbletti og fékk í staðinn álíka landspildu af þeirra landi. Með þessum Lánssamningi opnaðist óhindrað aðgengi að austurhluta Grensás og þar með var hægt að taka niður allar gaddavírsgirðingar sem eftir voru sem tilheyrðu Skógræktarfélagi Stykkishólms í Grensás.

3. Unnið við nýtt aðgengi og skógarlund í Grensás. Í byrjun voru nær allar girðingar fjarlægðar í Grensás, kofar rifnir niður og brenndir en aðrir færðir úr stað á nýja vinnusvæðið. Gerður var nýr skógarlundur með opnu eldstæði til að koma á móts við aukna aðsókn á svæðið af ferðamönnum bæði á eigin vegum og í skipulögðum hópferðum. Smíðað var nýtt borð í eldri skógarlundinn. Gerðir voru nýjir göngustígar í viðbót við þá sem gerðir voru á fyrra ári alls um 300 metrar. Unnið var í vegagerð á svæðinu og svæðið snyrt eins og kostur var.

4. Plöntun. Plantað var  3010 plöntum í Grensás síðastliðið sumar vegna Landgræðsluskóga. Tegundirnar sem plantað var voru ilmbjörk (birki) 1005 plöntum,  stafafura 1000 plöntum og sitgagreni 1005 plöntum. Ennfremur var sáð 4 kg. af lúpínufræjum í flög á svæðinu og um 40 kg af grasfræi. Eitt hundrað plöntum af alaskavíði var plantað úr eigin ræktun. Tekið skal fram að ekkert var plantað í önnur skógræktarsvæði félagsins á árinu.

5. Rafmagn á vinnusvæðið í Grensás. Með velvilja  Rarik á Vesturlandi var hægt að leggja rafmagn í vinnuskúra félagsins í Grensás.

6. Ýmis hefðbundin vinna við girðingar, grisjun og aðhlynningu plantna og gerð
göngustíga á skógræktarsvæðum félagsins í Tíðás, Vatnsdal og í Sauraskógi. Girðingin í Vatnsdal var strekkt upp. Ruddir voru um 1400 metrar af skógi í Sauraskógi við gerð göngustíga. Reitt var undan öllum plöntum í Tíðás og þeim gefin áburður. Stykkishólmsbær lagði til bíl og bílstjóra  til að koma nemendum Vinnuskólans að og frá skógræktarsvæðunum.

7. Ferðamannaskógar. Samningur er á milli Skógræktarfélags Stykkishólms og Ferðaskrifstofunnar Samvinnuferðir Landsýn um móttöku á ferðamönnum sem á í lundum félagsins og planta nokkrum trjám á eftir. Sex hópar komu við á síðasta sumri og plöntuðu þeir sem nemur 2 plöntum á mann í Grensás. Land var valið með tilliti til aldurs og samsetningu hópsins hverju sinni. Minnisstæður er síðasti hópurinn sem kom frá Ísrael undir diggri fararstjórm Friðriks Haraldssonar. Þarna var á ferðinni fólk sem kunni til verka þótt við aldur væri.

8. Sala á jólatrjám.  Sala á trjám fyrir jólin (Jólatrjám) fór að mestu fram í Sauraskógi annað árið í röð. Mönnum gafst kostur á að ganga til skógar og fella trén með eigin hendi. Flestir komu með fjölskylduna og gerðu úr þessu góðan dag með nesti og tilheyrandi. Sala á stærri trjám til fyrirtækja var með hefðbundnu sniði. Skógræktarfélagi Grundarfjarðar voru gefin 6 tré til styrktar starfsemi sinni.

9. Kaup á verkfærum og viðhald tækja. Verkfærakostur félagsins er ekki upp á  það besta, vægt að orði komist. Ráðist var í kaup á meðalstórri kerru til að brúa bilið í flutningsmálum á plöntum, staurum og öðru tengdu starfseminni. Fjárfest var í verfærum eins og sögum, hrífum, skóflum og klippum. Lásar voru endurnýjaðir.

10. Önnur verkefni tengd skógrækt í Stykkishólmsbæ. Samkvæmt beiðni var unnið að stækkun trjábeðs í Kirkjugarðinum, plantað í það trjám og plantað trjám á milli þar sem tré höfðu drepist einnig var reitt frá trjánum og þeim gefinn áburður. Unnið var einnig í trjábeði við tjaldstæðið og meðfram íþróttavellinum. Skýrslur hafa verið sendar inn til bæjarstjórnar um þessi þrjú verk í gagnrýnum tón.

11. Fræsöfnun. Erfitt er að koma við fræsöfnun meðal nemenda í Vinnuskólanum þar sem þeir hafa hætt störfum þegar fræ eru fullþroska. Talsverðu magni af lúpínufræjum var safnað seinnipartinn í ágúst.

12. Heimasíða á netinu. Skógræktarfélag Stykkishólms hefur haldið út heimasíðu á netinu á slóðinni  http://www.simnet.is/forest/  í eitt og hálft ár. Heimasíðan er að sjálfsögðu í uppbyggingu en hún á að fræða almenning um starfsemi félagsins, sögu þess plöntu og dýralíf. Mestar upplýsingar er að finna um Landgræðsluskógasvæðið Grensás um plöntur sem voru til staðar áður en gróðursetning hófst á nýja svæðinu og sem voru til staðar á því eldra. Fuglalífi eru gerð þokkaleg skil fyrir síðastliðin 31 ár. Fjallað er um þekkt spendýr á svæðinu og aðeins komið inn á pöddur. Fjörulífi gerð nokkuð góð skil. En til gamans má geta þess að líklega er skógræktarsvæðið í Grensás eina skógræktarsvæðið á landinu sem liggur að sjó og hefur eyju til umráða.

13. Hverjir unnu verkin. Formaður félagsins hefur umsjón með skógræktarsvæðum félagsins. Hann er og verkstjóri og aðal vinnukraftur félagsins hverju sinni. Á síðastliðnu starfsári var formanni til aðstoðar Guðmundur Guðsteinsson og nemendur vinnuskólans 8 til 20 nemendur á dag eftir verkefnum. Alla daga var minnst einn hópur fyrir hádegi og  annar eftir hádegi. Rétt er að geta þess að nemendur vinnuskólans komu flokkstjóralausir til vinnu í skógræktina. Einn starfsmaður Bjarni Lárusson vann hálfann daginn hluta úr sumrinu við  að reita frá plöntum og gefa þeim áburð. Hér er rétt að geta þess að veðráttan síðastliðið sumar var mjög óhagstæð til trjáplöntunar vegna þurrka. Þannig að eiginleg trjáplöntun fór ekki fram fyrr en komið var vel fram í ágúst eftir að vinnuskóla lauk. Af þeim sökum (vegna þurrkanna) voru nokkrir einstaklingar vinnuskólans sem vitað var um að reyktu tóbak að staðaldri ekki sendir til vinnu í skógræktina. 

14. Merkingar. Nafn og merki félagsins var sett upp á vinnuskúr félagsins í Grensás. Merki til að minnast höfðinglegra styrkja til Skógræktarfélags Stykkishólms voru sett upp á sama skúr. Á heimasíðu félagsins má sjá myndir af þessum merkingum. Áningarmerki með ör var sett upp við hornið á kirkjugarðinum og P merki fyrir hreyfihamlaða var sett upp við gamla skógarlundinn. Til áminningar skal það hér fram sett að viðkomandi bílastæði er fyrir hreyfihamlaða einstaklinga. Ennfremur er þeim heimilt að aka niður í skógarlundinn og athafna sig þar.

*Önnur atriði varðandi starfsemi félagsins á síðasta starfsári.
1. Send voru út þakkarbréf vegna styrkja sem félagið fékk á árinu.
2. Sendar voru  umsóknir um styrki.
3. Ársskýrslu skilað til Skógræktarfélags Íslands.
4. Hitaveitu Stykkishólms og Landsímanum var heimilað að fara með aðveituæð og ljósleiðara gegn um Skógræktarsvæðið í Tíðás sem er fyrir botni Mjóafjarðar (vogsbotn). Framkvæmdirnar fóru vel fram og segja má hlutareigandi aðilum til hróss að að varla má merkja að um landið hafi verið farið á stórvirkum vinnuvélum. 
5. Plöntur pantaðar fyrir næstu þrjú ár eftir áætlun.

*Helstu viðfangsefni félagsins á næsta starfsári.
1. Vinna við frágang á vinnusvæði  og skógarlundi í Grensás.
2. Gerð göngustíga í Grensás og Sauraskógi.
3. Plöntun vegna Landgræðsluskóga í  Grensás.
4. Viðgerð og endurbætur á Vatnsdalsgirðingunni.
5. Hefðbundin vinna við girðingar, grisjun og aðhlynningu plantna.
6. Kaup á lítilli kerru og dekkjum á dráttarvél.
7. Merkingar ( boð og bannmerki ).
8. Sala á jólatrjám.

*Önnur atriði varðandi starfsemi félagsins á næsta starfsári.
1. Gerð göngu- og reiðvegar um Tíðás. Stykkishólmsbæ hefur verið heimilað að fara með göngu og reiðveg um skógræktarsvæðið fyrir botni Mjóafjarðar (Tíðás). Högni Bæringsson sér um verkið, og frágang eftir verktaka við lögn aðveituæðar Hitaveitu Stykkishólms. 

 Trausti Tryggvason

Trausti Tryggvason